“त्यांनी २० वर्षांपूर्वीच…” कमल हासन यांच्याबद्दल ए आर रेहमान यांनी व्यक्त केल्या भावना

नुकतंच रेहमान आणि कमल हासन या दोन दिग्गजांनी मिळून लॉस एंजलीस येथील ऑस्कर म्युझियमला भेट दिली. यावेळी त्यांनी एकमेकांबरोबर चांगलाच वेळ घालवला, तसेच एकत्र हॉलिवूड क्लासिक ‘द गॉडफादर’ हा चित्रपटही त्यांनी एकत्र पाहिला. दरम्यान यावेळी रेहमान यांनी कमल हासन यांच्याबद्दल आणि त्यांच्या मैत्रीच्या नात्याबद्दल भाष्य केलं.

आणखी वाचा : “रणवीरची निवड योग्यच…” ‘डॉन ३’च्या घोषणेबद्दल अभिनेत्री ईशा कोपिकरचं वक्तव्य चर्चेत

याचवेळी रेहमान कमल हासन यांच्याबद्दल म्हणाले, “मला असं वाटतं की कमल हासन हे आपल्या चित्रपटसृष्टीत अडकून राहिले, जे एका अर्थी आपल्या पथ्यावरच पडलं. पण मला असं वाटतं की २० वर्षांपूर्वीच कमल यांनी हॉलिवूडमध्ये येऊन स्वतःचा एक चित्रपट करायला हवा होता. आजही कमल हासन नक्कीच तसं करू शकतात, त्यांनी यश अपयश याचा विचार न करता एक इंग्रजी चित्रपट करावाच अशी माझी इच्छा आहे. “

कमल हासन यांच्या १९९६ च्या ‘इंडियन’साठी रेहमान यांनी संगीत दिलं होतं. आता पुन्हा हे दोघे मणीरत्नम यांच्या चित्रपटाच्या निमित्ताने एकत्र काम करणार आहेत. कमल हासन यांचा ‘विक्रम’ हा चित्रपट चांगलाच गाजला. आता त्यांच्या ‘इंडियन २’ आणि ‘प्रोजेक्ट के’ या आगामी चित्रपटांची प्रेक्षक आतुरतेने वाट बघत आहेत.