‘आई कुठे काय करते’मधील अरुंधतीने सोडली मालिका? चर्चांना उधाण

नुकताच या मालिकेचा नवा प्रोमो प्रसारित झाला आहे. त्या प्रोमोमध्ये अनिरुद्ध आणि संजना यांच्यासोबत घरातील इतर सदस्य दिसत आहेत मात्र अरुंधतीचा कोणताही सीन नाहीये. याचं महत्त्वाचं कारण म्हणजे अरुंधतीनं म्हणजेच अभिनेत्री मधुराणी प्रभुलकरनं काही वैयक्तीक कारणासाठी मालिकेतून काही दिवसांचा ब्रेक घेतला असल्यानं मेकर्सनी आता अनिरुद्ध आणि संजनावर फोकस केलं आहे.

दरम्यान मालिकेमध्ये अरुंधती दिसत नसल्यानं तिने मालिका सोडली की काय असा संभ्रम प्रेक्षकांच्या मनात निर्माण झाला होता. सोशल मीडियावर अशा चर्चा देखील सुरू होता.

पाहा व्हिडीओ –

मात्र मधुराणीनं ही मालिका सोडली नसून तिने काही काळासाठी मालिकेतून ब्रेक घेतला आहे. या ब्रेकनंतर ती पुन्हा शूटिंगला सुरुवात करणार आहे. या मालिकेत मधुराणी प्रभुलकर आईची म्हणजेच अरुंधतीची भूमिका साकारत असून तिच्या या भूमिकेला प्रेक्षकांनी उत्तम प्रतिसाद दिला आहे.