तब्बल १९ वर्षांनंतर बॉलिवूडमध्ये परतणार आमिर खानचा भाऊ

तब्बल १९ वर्षांनंतर फैजल बॉलिवूडमध्ये पार्श्वगायकाच्या रुपात पुनरागमन करणार आहे. ‘फॅक्टरी’ चित्रपटासाठी फैजल पार्श्वगायन करणार आहे. फैजलनं ‘मेला’ चित्रपटात शेवटचं काम केलं होतं. या चित्रपटात आमिर खान प्रमुख भूमिकेत होता. फैजल खाननं ‘प्यार का मौसम’ चित्रपटात बालकलाकार म्हणून पहिल्यांदा काम केलं होतं. त्यानंतर आमिरच्या ‘कयामत से कयामत’ तक चित्रपटात तो छोट्याशा भूमिकेत झळकला. आमिरइतकं यश फैजलच्या वाट्याला आलं नाही त्यामुळे तो बॉलिवूडपासून काही काळापुरता दूर गेला. मात्र आता तो पार्श्वगायकाच्या रुपात बॉलिवूडमध्ये पदार्पण करण्यास सज्ज झाला आहे.