स्वत:ला कवी मनाचा नेता असे म्हणणारा अभिजीत बिचुकले हा नेहमीच काही ना काही कारणांमुळे चर्चेत असतो. तो नेहमीच विविध कारणांमुळे चर्चेत असतो. त्याने आतापर्यंत नगरसेवकापासून ते देशाच्या राष्ट्रपतीपदापर्यंतच्या अनेक निवडणुका लढवल्या आहेत. अभिजीत बिचुकलेला ‘बिग बॉस’ मराठी सिझन २ मधील स्पर्धक म्हणूनही ओळखले जाते. नुकतंच अभिजीत बिचुकलेने झी मराठीवरील चला हवा येऊ द्या या कार्यक्रमात हजेरी लावली. यावेळी त्याच्यासोबत त्याची पत्नीही सहभागी झाली होती. त्यांचा एक प्रोमो नुकतंच समोर आला आहे.
झी मराठीने त्यांच्या अधिकृत इन्स्टाग्रामवर एक व्हिडीओ शेअर केला आहे. या व्हिडीओत अभिजीत बिचुकले त्याच्या पत्नीसह चला हवा येऊ द्या मध्ये सहभागी झाल्याचे पाहायला मिळत आहे. यावेळी चला हवा येऊ द्याची टीम त्यांना विविध प्रश्न विचारताना दिसत आहे. नुकतंच सूत्रसंचालक निलेश साबळेने अभिजीत बिचुकलेला पत्नीबद्दल एक खास प्रश्न विचारला होता. मात्र त्याचे उत्तर देताना त्याची तारांबळ उडालेली पाहायला मिळत आहे.
‘बिग बॉस १५’ मध्ये एण्ट्री घेणारे अभिजीत बिचुकले नेमके कोण? जाणून घ्या त्यांच्या संपत्तीविषयी
यावेळी निलेश साबळे म्हणतो, “तुम्हाला पहिला प्रश्न आहे की, वहिनींचा आवडता पदार्थ कोणता?” त्यावर अभिजीत बिचुकले ‘मला यावर पर्याय हवेत. नक्की गोड की तिखट.’ यावर निलेश साबळे म्हणतो, “आम्ही पर्याय देऊ शकत नाही. तेवढं तुम्हाला माहिती असायला हवं.” ‘मला माहिती आहे, एक गुलाबजाम आणि दुसरं भरलेलं वांग’, असे अभिजीत बिचुकले उत्तर देताना सांगतो. अभिजीत बिचुकलेचे हे उत्तर चुकलेले असून त्याचे खरे उत्तर ‘आमरस चपाती’ असे असते. यावर निलेश साबळे बिचुकलेला वहिनींना १००० रुपये द्या असे सांगतो.
दरम्यान हा सर्व व्हिडीओ चांगलाच चर्चेत असल्याचे पाहायला मिळत आहे. यावर अनेकजण कमेंट करताना दिसत आहेत. विशेष म्हणजे चला हवा येऊ द्या च्या या भागात विविध गंमती जंमती पाहायला मिळणार आहेत.
अभिजीत बिचुकले हे साताऱ्यातील प्रसिद्ध व्यक्तिमत्त्व आहे. त्यांनी राष्ट्रपतीपदाची निवडणूक लढवण्यामुळे ते राज्यभर चर्चेत आले होते. अभिजीत बिचुकले हे ‘बिग बॉस’ मराठी सिझन 2 मधील स्पर्धक म्हणून ओळखले जातात. अभिजीत बिचुकले स्वत:ला कलाकार, लेखक, कवी, गायक आणि कंपोजिशन मेकर असे समजतात. त्यांनी आतापर्यंत नगरसेवकापासून ते देशाच्या राष्ट्रपतीपदापर्यंतच्या अनेक निवडणुका लढवल्या आहेत. ‘बिग बॉस’च्या घरात वादग्रस्त वक्तव्यामुळे त्यांना अल्पावधीतच प्रसिद्ध मिळाली होती.
