बॉलिवूड अभिनेता अभिषेक बच्चन हा लोकप्रिय अभिनेत्यांपैकी एक आहे. अभिषेक गेल्या काही दिवसांपासून दसवी या त्याच्या चित्रपटामुळे चर्चेत आहे. त्याचा अभिनय बिग बींना प्रचंड आवडला. त्यानंतर बिग बींनी अभिषेकला त्याचा उत्तराधिकारी घोषित केले. तर दुसरीकडे नेटकऱ्यांनी अभिषेकची तुलना अमिताभ यांच्याशी केली. त्यानंतर अभिषेकने त्या नेटकऱ्याला मजेशीर उत्तर दिले आहे.
नेटकऱ्याने ट्विटरवर पोस्ट शेअर करत अभिषेकची तुलना अमिताभ यांच्याशी केली आहे. त्यावर अभिषेक उत्तर देत म्हणाला, धन्यवाद पण…कधी नाही. बाप, बाप होता है. और रिश्ते में वो हमारे…बाकी तुम्हाला माहित आहे. तर अनेक नेटकऱ्यांनी अभिषेकचे कौतुक करत सोशल मीडियावर पोस्ट शेअर केल्या आहेत.
अभिषेकचा ‘दसवी’ हा चित्रपट ७ एप्रिल रोजी जिओ सिनेमा आणि नेटफ्लिक्सवर प्रदर्शित झाला आहे. अभिषेकने या चित्रपटात दमदार भूमिका करून चाहत्यांची मने जिंकली आहेत. ज्युनियर बच्चनचे सोशल मीडियावर जोरदार कौतुक होत आहे. दरम्यान, अभिषेक बच्चनसोबत यामी गौतम, निम्रत कौर यांच्या अभिनयाचे देखील कौतुक होतं आहे.
