अभिनेते मनोज जोशी ‘एअर इंडिया’वर संतापले; व्हिडीओ शेअर करत व्यक्त केला राग, नेमकं घडलं काय?

आणखी वाचा : रश्मिका मंदानाने ‘या’ गोष्टीत स्वतःला उत्कृष्ट ठरवत केली रणबीर कपूरशी तुलना, म्हणाली, “मी त्याच्यापेक्षा जास्त…”

मनोज जोशी यांनी मुंबई विमानतळावरील लगेज बेल्टजवळ हा व्हिडिओ बनवला आहे. या व्हिडिओत ते अतिशय चिडलेले दिसत आहेत. ते या व्हिडीओत म्हणाले, “मी प्रवास करत असलेले विमान जवळपास तीन तास उशिरा उडाले. त्यानंतर आता सामान घेण्यासाठी मी गेल्या ४५-५० मिनिटांपासून लगेज बेल्टजवळ उभा आहे, पण माझे सामान अजूनही आलेले नाही. एवढेच नाही तर, तिथे एअर इंडियाचा एकही कर्मचारी नाही, ज्यांच्याशी संपर्क मला साधता येईल.” त्यासोबतच “एअर इंडिया कधी सुधारणार आहे की नाही?” असा प्रश्नही मनोज जोशी यांनी उपस्थित केला. मनोज जोशी यांनी ट्वीटमध्ये एअर इंडिया आणि छत्रपती शिवाजी आंतरराष्ट्रीय विमानतळालाही टॅग केले आहे.

त्यांनी कॅप्शनमध्ये लिहिले की, ‘एअर इंडियाची फ्लाइट ६३४ भोपाळहून ३ तास उशिरा निघाली आणि आता मी ४० मिनिटे मुंबईत लगेज बेल्टजवळ उभा आहे. त्यासोबतच इथे एअर इंडियाचा एकही कर्मचारी नाही. इतकी वाईट सेवा मी आतापर्यंत कधीच अनुभवली नाही. त्यांनी माझा संपूर्ण दिवस खराब केला केला. याची नुकसान भरपाई कोण देणार?”

हेही वाचा : ‘या’ दिवशी प्रदर्शित होणार आयुष्मान खुरानाचा ‘ड्रीम गर्ल २’, नुसरत नव्हे तर, ‘ही’ अभिनेत्री साकारणार प्रमुख भूमिका

दरम्यान, मनोज जोशींच्या या ट्विटला विमान कंपनीच्या व्यवस्थापकांनीही उत्तर दिले आहे. एअर इंडियाच्या वतीने लिहिले होते, ‘प्रिय मनोज जोशी, आम्हाला आशा आहे की तुम्हाला तुमचे सामान मिळाले असेल. निश्चिंत राहा, आम्ही तुमचा अभिप्राय विमानतळ टीमपर्यंत पोहोचवला आहे. आम्ही त्याचा आढावा घेत आहोत. आम्ही आशा करतो की पुढच्या वेळी तुम्हाला अधिक चांगली सेवा देऊ शकू.”