फोटोग्राफसाठी नवाजने घेतली ‘या’ व्यक्तीकडून प्रेरणा

रितेश बत्रा दिग्दर्शित ‘फोटोग्राफ’ हा चित्रपट लवकरच प्रदर्शित होणार असून या चित्रपटामध्ये नवाज आणि सान्य मल्होत्रा या दोघांची केमिस्ट्री पाहायला मिळणार आहे. फोटोग्राफमध्ये नवाजने ‘रफी’ या फोटोग्राफरची भूमिका वठविली असून ही भूमिका साकारण्यासाठी त्याने एका खऱ्याखुऱ्या फोटोग्राफरकडून प्रेरणा घेतली आहे. विशेष म्हणजे फोटोग्राफर्सना ट्रिब्यूट देण्यासाठी या चित्रपटाचा एक विशेष शो चित्रपटाच्या टीमकडून आयोजित करण्यात आला होता.

दरम्यान, फोटोग्राफ हा चित्रपट धारावीमधील एका फोटोग्राफरच्या जीवनावर आधारित असून नवाजचा रितेश बत्रा यांच्यासोबतचा हा दुसरा चित्रपट आहे. तर सान्या पहिल्यांदाच नवाजसोबत पहिलाच चित्रपट आहे. सनडान्स फिल्म फेस्टिव्हलमध्ये या चित्रपटाचं वर्ल्ड प्रीमियर झाले असून बर्लिन फिल्म फेस्टिव्हलमध्येदेखील हा चित्रपट दाखविण्यात आला आहे.