अभिनेता प्रतीक बब्बर हा त्याच्या चित्रपटांपेक्षा खासगी आयुष्यामुळे जास्त चर्चेत असतो. २३ जानेवारी २०१९ रोजी प्रतीक सान्या सागरसोबत विवाह बंधनात अडकला. त्यापूर्वी अनेक दिवस ते एकेमेकांना डेट करत होते. परंतु लग्नाच्या एक वर्षानंतरच त्यांच्यात वाद होऊ लागल्याचं समोर आलं होतं. लॉकडाऊनदरम्यान या दोघांनी घटस्फोट घेत आपला मार्ग वेगळा करण्याचा निर्णय घेतला. आता पुन्हा एकदा प्रतीक प्रेमात पडला असल्याचे समोर आले आहे.
आणखी वाचा : ‘कुणास ठाऊक हल्ली कोणाच्या भावना केव्हा दुखावल्या जातील!’ अभिनेत्री गौहर खानचे ‘ते’ ट्विट चर्चेत
सान्याशी घटस्फोटाची प्रक्रिया सुरू असताना प्रतीक सध्या त्याच्या आयुष्यात खुश असल्याचे दिसत आहे. तसंच तो ‘बार बार देखो’ फेम अभिनेत्री प्रिया बॅनर्जीला डेट करत आहे. प्रतीक बब्बर आणि प्रिया यांच्यात जवळीकता वाढत असल्याच्या बातम्या आहेत.
प्रतीक बब्बरच्या जवळच्या सूत्रानं एका वृत्तवाहिनीला सांगितलं की, “प्रिया आणि प्रतीक एकमेकांना जवळपास एक वर्षापासून ओळखतात. छोट्या पडद्यावरील एका कॉमन मित्राच्या मदतीनं ते एकमेकांना भेटले. प्रतीकनं प्रिया बॅनर्जीविषयी आपल्या कुटुंबाला कल्पना दिली आहे. ते दोघे नेहमी बाहेर एकत्र फिरायला जातात, एकत्र काम करतात पण तरीही अद्याप त्यांना आपलं हे नातं सगळ्यांसमोर जाहीर करायचं नाही. ते जेवढं प्रकाशझोतापासून दूर राहिल तेवढं चांगलं असं प्रतीकचं सध्या म्हणणं असे. याचं कारण म्हणजे प्रतीकचा सान्याशी होत असलेला घटस्फोट हे आहे.”
हेही वाचा : मलायका अरोरा – अरबाज खान पुन्हा येणार एकत्र ? फोटो आणि व्हिडीओ सोशल मीडियावर व्हायरल
दरम्यान, प्रतीकने याबाबत कोणतीही प्रतिक्रिया दिलेली नाही. प्रिया बॅनर्जीबद्दल सांगायचे तर, तिने संजय गुप्ता यांच्या ‘जज्बा’ चित्रपटातून ‘सिया’ची भूमिका साकारत बॉलिवूडमध्ये पदार्पण केले. तर सध्या प्रतीक बब्बर ‘वो लड़की है कहां’ चित्रपटात दिसणार आहे. या चित्रपटात तापसी पन्नू आणि प्रतीक गांधी मुख्य भूमिकेत आहेत.
