दिग्गज अभिनेत्याच्या ३८ वर्षीय मुलीचे निधन, हृदयविकाराचा झटका आल्याने गायत्रीने घेतला अखेरचा श्वास

मिळालेल्या माहितीनुसार, शुक्रवारी रात्री राजेंद्र प्रसाद यांच्या मुलीला अचानक हृदयविकाराचा झटका आला. त्यानंतर तिला तात्काळ हैदराबाद येथील एआयजी रुग्णालयात नेण्यात आलं. मात्र तिथे उपचारादरम्यान गायत्रीचे निधन झाले. राजेंद्र प्रसाद यांना गायत्री ही मुलगी व एक मुलगा आहे. गायत्री विवाहित होती, तिला एक मुलगी आहे. गायत्रीची मुलगी साई तेजस्विनी ही बालकलाकार आहे.

हेही वाचा – “सायकलवरून आलेल्या एका माणसाने मला…”, अभिनेत्रीने सांगितला भयंकर अनुभव; म्हणाली, “मला ओरडायचं होतं, पण…”

गायत्रीच्या निधनाची बातमी कळताच तेलुगू सिनेसृष्टीतील अनेकांनी राजेंद्र प्रसाद यांच्या घरी पोहोचले आणि शोक व्यक्त केला. तसेच गायत्रीला श्रद्धांजली वाहिली. अभिनेता ज्युनिअर एनटीआरने एक्सवर पोस्ट करून दुःख व्यक्त केले आहे.

गायत्रीने वडिलांच्या विरोधात जाऊन प्रेमविवाह केला होता. त्यामुळे राजेंद्र प्रसाद तिच्याशी काही काळ बोलत नव्हते. पण नंतर मात्र त्यांच्यातील नाराजी संपली आणि ते लेकीबरोबर बऱ्याच कार्यक्रमांमध्ये दिसायचे.