अभिनेता सैफ अली खान आणि बॉलीवूड स्टार श्रीदेवी आपापल्या आगामी चित्रपटांमध्ये व्यस्त असताना त्यांची मुले देखील बॉलीवूडमध्ये पदार्पण करण्यास सज्ज असल्याचे दिसते. सैफ अली खानच्या मुलगा इब्राहिमयाचा श्रीदेवी आणि दिग्दर्शक अनुराग कश्यपच्या मुलींसोबतचा एफ फोटो समाजमाध्यमांमध्ये व्हायरल झाला आहे. खुद्द इब्राहिम याने हा फोटो शेअर केला आहे. श्रीदेवीची मुलगी खुशी आणि अनुराग कश्यपची मुलगी आलिया यांच्यासोबत काढलेला हा फोटो नेटिझन्समध्ये चर्चेचा विषय ठरत आहे. या तिघांना एकत्र पाहून ते लवकरच बॉलीवूडमध्ये पदार्पण करण्याचा असल्याचा अंदाज व्यक्त केला जात आहे. यापूर्वीही इब्राहिमने लंडनमध्ये करीना कपूरसोबत काढलेला फोटो व्हायरल झाला होता.
