मराठी सिनेसृष्टीतील लोकप्रिय अभिनेत्री म्हणून मुक्ता बर्वेला ओळखले जाते. तिने आतापर्यंत अनेक चित्रपट, नाटकातील अभिनयाने प्रेक्षकांची मनं जिंकली आहेत. सध्या मुक्ता बर्वे ही ‘चारचौघी’ या नाटकामुळे चर्चेत आहे. नुकतंच ज्येष्ठ अभिनेत्री वंदना गुप्ते यांना झी नाट्य गौरव पुरस्कारांमध्ये जीवनगौरव प्रदान करण्यात आला. त्यांच्या आजवरच्या नाट्यसृष्टीतील कामगिरीसाठी त्यांचा गौरव करण्यात आला. यानिमित्ताने मुक्ता बर्वेने एक खास पोस्ट केली आहे.
मुक्ता बर्वेने नुकतंच इन्स्टाग्रामवर एक पोस्ट शेअर केली आहे. त्यात तिने वंदना गुप्तेंबरोबरचा एक छान फोटो शेअर केला आहे. वंदना गुप्ते यांना झी नाट्य गौरव पुरस्कारांमध्ये जीवनगौरव पुरस्कार मिळाल्यानंतर तिने एक खास पोस्ट लिहिली आहे.
आणखी वाचा : “प्रेक्षकांच्या तक्रारीमुळे…” मराठमोळ्या मुक्ता बर्वेची ‘ती’ पोस्ट चर्चेत
मुक्ता बर्वेची पोस्ट
“डबलसीट मधे सासू-सून म्हणुन एकत्र होतो, रूद्रम मधे आई- मुलगी म्हणुन आणि आता चारचौघी मधे तर तू साकारलेली विद्या साकारते म्हणुन. निमित्त कोणतंही चालेल एकत्र काम आणि मजा करतच राहू. वंदूताई तुला खूप खूप प्रेम, जशी आहेस तशीच मस्त,बिनधास्त,दिलखुलास रहा. तुझ्या energy नी आम्हाला inspiration देत रहा, झी नाट्य गौरव चे विशेष आभार या दोन ‘विद्या’ एकमेकांना भेटवल्या बद्दल”, अशी पोस्ट मुक्ता बर्वेने केली आहे.
आणखी वाचा : ‘मराठी सिनेसृष्टीतील तुझी क्रश कोण?’ वैभव तत्त्ववादी म्हणाला “त्या भेटल्या की…”
दरम्यान मुक्ता बर्वे आणि वंदना गुप्ते यांनी ‘डबलसीट’ या चित्रपटात एकत्र काम केलं होतं. त्यांनी सासू- सुनेचं पात्र साकारलं होतं. तर सध्या मुक्ता ही चारचौघी या नाटकात झळकत आहे. या नाटकात ती विद्या हे पात्र साकारत आहे. याआधी हे पात्र वंदना गुप्ते यांनी साकारलं होतं. आता अनेक वर्षानंतर हे नाटक पुन्हा रंगभूमीवर आलं आहे. या नाटकाने सगळ्यांची मनं जिंकली आहेत.
