अभिनेत्री प्राजक्ता माळीने पहिल्यांदाच दिली प्रेमाची कबुली; बॉयफ्रेंडसाठी लिहिली कविता

मराठी मालिका आणि चित्रपटांमधून प्रेक्षकांच्या भेटीस येणारी अभिनेत्री प्राजक्ता माळी सोशल मीडियावर नेहमी सक्रिय असते. कधी ती शेअर करत असलेल्या ग्लॅमरस फोटोशूटमुळे तर कधी तिच्या हटके पोस्टमुळे…काही वर्षापूर्वी प्राजक्ता माळी तिच्या युरोप ट्रीपमुळे बरीच चर्चेत आली होती. तिच्या या यूरोप ट्रीपमध्ये एका मुलासोबतचे फोटोज शेअर केल्यानंतर तिच्या बॉयफ्रेंडबद्दल बरीच चर्चा सुरू झाली होती. फोटोमधला मुलगा तिचा बॉयफ्रेंड आहे का? अभिनेत्री प्राजक्ता माळी कुणासोबत रिलेशनशीपमध्ये आहे का? असे अनेक प्रश्न तिच्या फॅन्सना पडले होते. त्यानंतर अभिनेत्री प्राजक्ता माळीने पहिल्यांदाच तिच्या प्रेमाची कबुली दिलीय. इतकंच नाही तर तिने तिच्या बॉयफ्रेंडसाठी कविता लिहून प्रपोज केलं होतं.

अभिनेत्री प्राजक्ता माळीने नुकतंच एका माध्यमाला दिलेल्या मुलाखतीत हा खुलासा केलाय. अभिनेत्री प्राजक्ता माळी जेव्हा अकरावीत होती, त्यावेळी ती एका मुलाच्या प्रेमात पडली होती. आपलं प्रेम व्यक्त करण्यासाठी तिने एक कविता लिहिली होती. प्रेमाचां रंग ओळखल्या जाणाऱ्या लाल रंगाच्या पेनाने तिने ही कविता लिहीली होती. “प्यार, इश्क, मोहब्बत…ये लब्जभी…सरल शब्द जैसे, सरल नहीं…तो क्या इसके रास्ते और मंजिले क्या खाक सरल होंगे….” अशा ओळींची तिने ही प्रेम कविता लिहिली होती.

या मुलाखतीत तिने आपल्या पहिल्या प्रेमाची कबुली दिली असली तरी ती ज्याच्या प्रेमात पडली होती, त्या बॉयफ्रेंडचं नाव मात्र तिने सांगितलेलं नाही. सध्या प्राजक्ता सिंगल असल्याचं सांगितलं जातंय. काही दिवसांपूर्वीच तिनं तिच्या लग्नासंदर्भातही एक खुलासा केला होता. ‘तशी लग्नाची तयारी सुरू आहे; पण नवरदेव भेटणं अद्याप बाकी आहे’,असं तिने म्हटलं होतं. तिच्या लग्नासाठी आईने सोने खरेदी आणि इतर तयारी केव्हाच सुरू केली आहे. नवरा मुलगा मिळाला, की लग्न करेनच, असं देखील तिने म्हटलं होतं.