एखाद्या वेबसीरिजचा पहिला सीझन प्रदर्शित झाला की त्याचा दुसरा सीझन कधी येणार याची प्रेक्षक आतुरतेने वाट पाहत असतात. अशीच एक वेबसीरिज म्हणजे ‘मिर्झापूर’. ‘मिर्झापूर’ वेबसीरिजचे आतापर्यंत २ सीझन प्रदर्शित झाले आणि या वेबसीरिजला प्रेक्षकांचा भरभरून प्रतिसाद मिळाला. आता या सीरिजचा तिसरा भाग लवकरच प्रदर्शित होणार आहे. या सीरिजच्या चित्रीकरणादरम्यानचा एक व्हिडीओ सोशल मीडियावर व्हायरल होत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आणखी वाचा – Photos : सिद्धार्थ जाधवची कुटुंबाबरोबर दुबई ट्रिप, महागड्या गाडीची सफर अन् बरंच काही

या वेबसीरिजमध्ये बीना त्रिपाठी हे पात्र साकारणारी अभिनेत्री रसिका दुग्गलने एक व्हिडीओ शेअर केला आहे. यामध्ये कलाकारांच्या पात्राची नावं असणारी एक एक पेटी दिसत आहे. तसेच व्हिडीओच्या शेवटी “फक्त थोडी प्रतिक्षा करा.” असं रसिका बोलत आहे. या व्हिडीओला काही तासांमध्येच नेटकऱ्यांचा उत्तम प्रतिसाद मिळाला आहे.

आता अजून प्रतिक्षा करु शकत नाही अशाप्रकारच्या अनेक कमेंट्स चाहत्यांनी केल्या आहेत. ‘मिर्झापूर ३’ वेबसीरिजच्या तयारीला आम्ही सुरुवात केली आहे असं रसिकाने तिच्या पोस्टच्या माध्यमातून सांगितलं आहे. कालीन भैय्या म्हणजेच पंकज त्रिपाठीच्या दुसऱ्या पत्नीची भूमिका रसिका या वेबसीरिजमध्ये साकारताना दिसणार आहे. याआधीच्या दोन सीझनमध्ये रसिकाने उत्तम काम केलं.

आणखी वाचा – VIDEO : ‘महाराष्ट्राची हास्यजत्रा’मधील अभिनेता अजूनही राहतो चाळीत, शेअर केला घराचा व्हिडीओ

‘मिर्झापूर ३’ कधी प्रदर्शित होणार याची लवकरच अधिकृत घोषणा करण्यात येईल. कालिन भैय्या आणि गुड्डूचं भांडण, त्यातून निर्माण होणारे वाद, अॅक्शन, ड्रामाने या वेबसीरिजचं क्रेझ प्रेक्षकांमध्ये अधिक वाढलं. पंकज त्रिपाठी, कालिन भैय्या, श्वेता त्रिपाठी, रसिका दुग्गल यांसारख्या कलाकारांनी या वेबसीरिजमध्ये उत्तम काम केलं आहे. आता या सीरिजच्या तिसऱ्या भागामध्ये वेगळं काय पाहायला मिळणार? याची प्रेक्षकांना उत्सुकता लागून राहिली आहे.