Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

या आजारामुळे वजन कमी होत नसल्याने सारा होती त्रस्त

सारा अली खान

अभिनेता सैफ अली खान याची मुलगी आणि अभिनेत्री सारा अली खान लवकरच केदारनाथ या चित्रपटातून बॉलिवूडमध्ये पदार्पण करणार आहे. या चित्रपटासाठी तिने आपले वजन मोठ्या प्रमाणात कमी होत आहे. कोलंबिया विद्यापीठात शिक्षण घेत असताना साराचे वजन ९६ किलो होते हे ऐकून तुम्हालाही धक्का बसल्यावाचून राहणार नाही. आता चित्रपटात जायचे म्हटल्यावर वजन तर कमी करायलाच हवे. पण तिचे वजन काही केल्या कमी होत नव्हते. याचे कारण म्हणजे तिला PCOD हा आजार होता. नुकतेच एका कार्यक्रमात तिने आपल्या या आजाराबाबत जाहीररित्या सांगितले. या आजारामुळेच आपल्याला वजन कमी करणे शक्य होत नसल्याचेही तिने या मुलाखतीत सांगितले.

याबाबत समोर आलेल्या आकडेवारीनुसार, भारतात दर १० मुलींमागे एक मुलगी या आजाराची शिकार होते. PCOD म्हणजे पॉलिसिस्टीक ओव्हरी डिसिज असे म्हणतात हा आजार PCOS म्हणजेच पॉलिसिस्टीक ओव्हरी सिंड्रोम म्हणूनही ओळखला जातो. याची लक्षणे म्हणजे वजन एकाएकी वाढणे, शरीरावर अनावश्यक केस उगवणे, थकवा येणे, डोकेदुखी, झोपेच्या समस्या, वंध्यत्व यांसारख्या समस्या उद्भवतात. मागील ५ ते ८ वर्षात या आजाराच्या रुग्णांमध्ये वाढ होत असून चुकीची जीवनशैली हे याचे मुख्य कारण आहे. लठ्ठपणा ही यातील सर्वात मोठी समस्या असल्याचेही समोर आले आहे. व्यायामाची कमतरता आणि डाएटशी निगडीत गोष्टी हा आजार होण्यास कारणीभूत आहेत.

First published on: 21-11-2018 at 15:48 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Actress sara ali khan is suffering from pcod

सारा अली खान ‘या’ आजाराने त्रस्त

या आजारामुळे वजन कमी होत नसल्याने सारा होती त्रस्त