छोट्या पडद्यावरील ‘माझा होशील ना’ ही लोकप्रिय मालिका आहे. या मालिकेतून घराघरात पोहोचलेला अभिनेता विराजस कुलकर्णीने अभिनेत्री शिवानी रांगोळेसोबत साखरपुडा केला आहे. त्या दोघांनी सोशल मीडियावर फोटो शेअर करत ही आनंदाची बातमी चाहत्यांसोबत शेअर केली आहे.
शिवानीने तिच्या इन्स्टाग्राम अकाऊंटवरून विराजससोबतचा फोटो शेअर केला आहे. या फोटोमध्ये शिवानी तिची अंगठी दाखवत आहे. हा फोटो शेअर करत शिवानीने Put a ring on it!#2022 #virani असे कॅप्शन दिले आहे. तिने शेअर केलेल्या या फोटोवर चाहत्यांनी कमेंट करत त्या दोघांना शुभेच्छा दिल्या आहेत. त्यांचा हा फोटो सोशल मीडियावर प्रचंड व्हायरल झाला आहे.
आणखी वाचा : अभिनेता आमिर अली आणि संजीदा शेखचा घटस्फोट!
गेल्या काही दिवसांपासून ते दोघे रिलेशनशिपमध्ये असल्याच्या चर्चा सुरु होत्या. ते दोघे नेहमीच सोशल मीडियावर एकमेकांसोबतचे फोटो आणि व्हिडीओ शेअर करायचे. आता नवीन वर्ष सुरु होताच त्यांनी साखरपुडा केला आहे.
आणखी वाचा : ‘कपिल शर्मा शो’मध्ये काम केलेल्या ‘या’ अभिनेत्याने केले विष प्राशन!
दरम्यान, शिवानीने अनेक मालिका, चित्रपट, नाटकांमध्ये काम केलं आहे. शिवानी शेवटी ‘सांग तू आहेस ना’ या मालिकेत दिसली होती. तर विराजसला आपण माझा होशील ना या मालिकेत शेवटी पाहिले. विराजस हा अभिनेत्री मृणाल कुलकर्णी यांचा मुलगा आहे. विराजस हा खूप चांगला लेखक आणि दिग्दर्शक असून त्याने ‘हॉस्टेल डेज’ या चित्रपटात काम केले आहे.
