सोनाक्षी सिन्हाला ‘झोंबिवली’ आवडतो तेव्हा…

हेही वाचा >>> ‘बाई गं’ सिनेमाकडे प्रेक्षकांनी फिरवली पाठ, Swapnil Joshi च्या चित्रपटाने कमावले फक्त ‘इतके’ लाख

‘काकुडा’ या चित्रपटात अभिनेता रितेश देशमुखबरोबर अभिनेत्री सोनाक्षी सिन्हाही महत्त्वाच्या भूमिकेत आहे. तिने याआधी कधीही भयपटात काम केलेले नाही, विनोदी भयपटातही काम केलेले नाही. मुळात मला भयपट पाहायलाच फारसे आवडत नाही. मला उलट झोंबी चित्रपट खूप आवडतात. त्यामुळे विनोदी भयपटात काम करणे कसे जमेल? अशीच शंका माझ्या मनात होती, असे सोनाक्षीने सांगितले. त्यात झोंबीचे कथानक असलेला आदित्यचा ‘झोंबिवली’ हा मराठी चित्रपट तिने पाहिला. मला ‘झोंबिवली’ चित्रपट खूप आवडला होता. त्यामुळे आदित्यच्या दिग्दर्शनाखाली काम करायची इच्छा होतीच. मी जेव्हा ‘काकुडा’ची कथा वाचली तेव्हा ती वाचतानाच मला खूप मजा वाटत होती. भयपटाला विनोदाची जोड देत ती कथा रंगवली होती. त्यामुळे हा प्रकार नवीन असल्याने मला त्यात रस वाटला. सगळ्या गोष्टी उत्तम जुळून आल्या आणि म्हणून मी ‘काकुडा’ चित्रपटासाठी होकार दिला, असे तिने सांगितले.