बॉलिवूड अभिनेत्री तनुश्री दत्ता (Tanushree Dutta) बऱ्याच काळापासून सिनेसृष्टीपासून दूर आहे. तनुश्री ही हॅशटॅग Metoo प्रकरणामुळे प्रसिद्धीझोतात आली होती. २००८ मध्ये ‘हॉर्न ओके प्लिज’ या चित्रपटाच्या सेटवर प्रसिद्ध अभिनेते नाना पाटेकर (Nana Patekar) यांनी लैंगिक गैरवर्तणूक केल्याचा आरोप तनुश्रीने केला. हे प्रकरण कोर्टापर्यंत पोहोचलं. आता पुन्हा एकदा हा वाद चर्चेत आला आहे. तनुश्रीने काही वर्षांनंतर नाना पाटेकर यांच्यावर राग व्यक्त करत इन्स्टाग्रामद्वारे पोस्ट शेअर केली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आणखी वाचा – Video : तीन वेळा आयव्हीएफ, हाती अपयश अन् गंभीर आजाराचं निदान, अभिनेत्रीला कॅमेऱ्यासमोर अश्रू अनावर 

तनुश्रीने नाना पाटेकर यांच्याबाबत पोस्ट शेअर करताच नेटकऱ्यांनी तिला ट्रोल करण्यास सुरुवात केली आहे. तसेच पुढे तिचं काही झालं तर त्यासाठी नाना पाटेकर जबाबदार असतील असं तनुश्रीने आपल्या पोस्टमध्ये म्हटलं आहे. त्यामुळे नाना पाटेकर आणि तनुश्री दत्ता हे प्रकरण पुन्हा एकदा चर्चेत आलं आहे.

तनुश्रीने आपल्या पोस्टमध्ये म्हटलं की, “जर पुढे माझं काही झालं तर त्यास नाना पाटेकर, त्यांचे वकील आणि टीम तसेच बॉलिवूड माफिया मित्र जबाबदार असतील. बॉलिवूड माफिया कोण आहेत? सुशांत सिंह राजपूतच्या मृत्युप्रकरणी ज्या व्यक्तींची नावं समोर आली तेच लोक बॉलिवूड माफिया आहेत. (या सगळ्यांचे वकील सारखेच होते.)”

आणखी वाचा – “तुम्ही खूप कमी बोलता अन्…” मुख्यमंत्री एकनाथ शिंदेंबाबत सुप्रिया सुळे काय म्हणाल्या?

पुढे तिने म्हटलं की, “अशा बॉलिवूड माफियांचे चित्रपट पाहू नका. त्यांना पूर्णपणे बॉयकॉट करा. कलाक्षेत्रातील काही लोकांनी आणि पत्रकारांनी माझ्याबाबत खोट्या बातम्या पसरवल्या. ज्यांनी मला खूप त्रास दिला त्यांचं जीवन नरकासारखं बनवा. कायदा आणि न्याय याबाबत मी अपयशी ठरले. पण मला या महान राष्ट्रामधील लोकांवर विश्वास आहे. जय हिंद आणि बाय. पुन्हा भेटू.” या पोस्टनंतर “तुला पुन्हा एकदा प्रसिद्धी हवी आहे का?” असा प्रश्न तनुश्रीला कमेंटच्या माध्यमातून नेटकरी विचारत आहेत.