फुटबॉल प्रशिक्षक सय्यद अब्दुल रहिम यांच्यावर बायोपिक; अजय देवगण मुख्य भूमिकेत

१९५०- १९६३ या कालावधीत सय्यद अब्दुल रहिम भारतीय फुटबॉल संघाचे प्रशिक्षक आणि व्यवस्थापक होते. हा काळ भारतीय फुटबॉलचा सुवर्णयुग मानला जातो. त्यांच्याच मार्गदर्शनाखाली भारतीय संघाने १९६२च्या आशियाई स्पर्धेत सुवर्णपदक पटकावलं होतं. त्यानंतर १९५६मध्ये भारतीय संघ पहिल्यांदाच मेलबर्न ऑलिम्पिक फुटबॉल टूर्नामेंटच्या उपांत्य फेरीपर्यंत पोहोचला होता. वयाच्या ५४ व्या वर्षी अब्दुल रहिम यांचं कॅन्सरमुळेनिधन झालं.

वाचा : ‘लुका छुपी’ ठरला कार्तिक आर्यनचा पहिल्या दिवशी दमदार कमाई करणारा चित्रपट

मे किंवा जूनमध्ये या चित्रपटाच्या शूटिंगला सुरुवात होणार आहे. या चित्रपटाची निर्मिती बोनी कपूर, आकाश चावला आणि जॉय सेनगुप्ता करत असून अद्याप त्याचं नाव जाहीर करण्यात आलेलं नाही. अजयसोबतच या चित्रपटात आणखी कोणाची वर्णी लागते हे पाहणं औत्सुक्याचं ठरणार आहे.