प्रसिद्ध फॅशन डिझायनर आणि अभिनेत्री मसाबा गुप्ता गेल्या काही महिन्यांपासून तिच्या वैयक्तिक आयुष्यामुळे चर्चेत आहे. मसाबा आणि सत्यदीप मिश्रा यांनी एप्रिल महिन्यात चाहत्यांना गुड न्यूज दिली. लवकरच आई होणार्‍या मसाबाने तीन महिन्यानंतर पहिल्यांदाच सोशल मीडियावर बेबी बंपचे फोटो शेअर केले आहेत.
मसाबाने तिच्या अधिकृत इन्स्टाग्राम अकाउंटवर एक खास पोस्ट शेअर केली आहे. या पोस्टमध्ये मसाबाने काही फोटो शेअर केले आहेत, ज्यात तिचा बेबी बंप दिसतोय. या फोटोंमध्ये मसाबाने काळ्या रंगाचा बॉडीकॉन ड्रेस घातला आहे. ‘मिरर सेल्फी’ घेत मसाबाने हे फोटो शेअर केले आहेत. एका फोटोत मसाबा तिच्या पतीसह समुद्रकिनाजवळ क्वालिटी टाईम घालवताना दिसत आहेत.
हेही वाचा… “माझ्या अंगावरचे डाग…”, कर्करोगाशी सामना करणाऱ्या हिना खानचा चाहत्यांना प्रश्न, म्हणाली…
“सगळ्यात चांगली गोष्ट तर अजून व्हायची बाकी आहे. मी खोटं बोलणार नाही, पण हे सगळं मला अजूनही थोडं स्वप्नासारखं वाटतंय.” असं कॅप्शन मसाबाने या फोटोंना दिलं आहे. मसाबाचे हे फोटो सोशल मीडियावर तुफान व्हायरल होत आहेत. फोटो व्हायरल होताच अनेक कलाकारांनी आणि चाहत्यांनी या फोटोवर कमेंट्सचा वर्षाव केला आहे. अभिनेत्री सुकन्या मोने यांनी कमेंट करत “तुझं मनापासून अभिनंदन” असं लिहिलं. तर “खूप सुंदर दिसतेयस” अशी कमेंट सारा तेंडूलकरने केली आहे.
१८ एप्रिल २०२४ रोजी मसाबा आणि सत्यदीप मिश्राने त्यांच्या इन्स्टाग्राम अकाउंटवर पोस्ट शेअर करत दोघं लवकरच आई-बाबा होणार असल्याची बातमी जाहीर केली.
दरम्यान, मसाबा गुप्ता आणि सत्यदीप मिश्रा यांच्या वैयक्तिक आयुष्याबाबत सांगायचं झालं तर, मसाबा गुप्ताचं पहिलं लग्न निर्माते मधु मंतेना यांच्याशी झालं होतं. २०१५ मध्ये त्यांचं लग्न झालं आणि २०१९ मध्ये त्यांनी घटस्फोट घेतला. तर सत्यदीप मिश्राचंही हे दुसरं लग्न आहे. सत्यदीप मिश्राचं आणि अभिनेत्री अदिती राव हैदरी यांचं लग्न झाल्याची बातमी समोर आली होती. तथापि, त्या दोघांनी कधीही वैवाहिक स्थितीबद्दल भाष्य केलं नाही. २०१३ मध्ये अदितीने खुलासा केला होता की ते दोघं वेगळे झाले आहेत.
