“करणमुळे संधी तिच्या पायाशी…” जेव्हा ऐश्वर्याने आलियाला लगावला होता टोला

ऐश्वर्या राय बच्चन २०१८ मध्ये तिच्या ‘फन्ने खान’ चित्रपटाचे प्रमोशन करत होती, तेव्हा तिने ‘बॉलीवूड हंगामा’ला दिलेल्या मुलाखतीत आलिया भट्टच्या अभिनय कौशल्याची प्रशंसा केली होती. पण त्याचवेळी आलियाला करण जोहरकडून खूप पाठिंबा मिळाल्याचेही तिने मान्य केलं होतं. इतरांच्या तुलनेत संधी आलियाच्या अक्षरशः पायाशी असतात असंही तिने म्हटलं होतं. ऐश्वर्या रायच्या याच मुलाखतीचा व्हिडिओ सध्या ट्विटरवर व्हायरल होत आहे, ज्याची खूप चर्चा होत आहे.
आणखी वाचा- अनन्याशी ब्रेकअपच्या चर्चांवर इशान खट्टरने सोडलं मौन, म्हणाला “आशा करतो की आयुष्यभर…”

आणखी वाचा

“त्या मावशींनी मला शिव्यांची लाखोली…”, ‘आई कुठे काय करते’ फेम मिलिंद गवळींनी सांगितला किस्सा

महायुतीला सत्ता मिळाली, लाडक्या बहिणींना २१०० रुपये कधीपासून…

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

पडसाद : त्यांच्याविषयी कुतूहल

“तुला खूप लोक सांगतील वजन कमी कर, सर्जरी कर, पण…”, हुमा कुरेशीला प्रसिद्ध दिग्दर्शकाने वजनाबद्दल दिलेला सल्ला, म्हणाली…

“मी तिच्या अंगावर पडलो अन् नीलमने…”, अभिनेत्याने सांगितला ‘हम साथ साथ है’च्या शूटिंगचा किस्सा; म्हणाला, “त्यानंतर सलमानने…”

दिवंगत अभिनेत्री श्रीदेवी यांचं कौतुक करत विद्या बालनने व्यक्त केली इच्छा; म्हणाली, “मला त्यांना…”

ऐश्वर्या राय बच्चन या मुलाखतीत म्हणाली होती, “आलिया खूप पुढे जाईल यात शंकाच नाही. ही खूप चांगली गोष्ट की तिचं काम एन्जॉय करत आहे. त्यात नवनवे प्रयोग करत आहे. तिचा अभिनयही चांगला आहे. मी हे आलियालाही सांगितलं होतं. ज्याप्रकारे करणने तुला पाठिंबा दिला आहे तो पाठिंबा तुझ्यासाठी जमेची बाजू आहे. सुरुवातीपासूनच करणने तिला खूप पाठिंबा दिला आहे. करिअरच्या सुरुवातीला हे सर्व मिळणं आरदायक असतं. इंडस्ट्रीमध्ये स्वतःची वेगळी ओळख निर्माण करणं सोपं जातं. एक अभिनेत्री म्हणून तिच्यासाठी हे चांगलं आहे. तिला सातत्याने चांगल्या संधी मिळत आहेत. या संधी अक्षरशः तिच्या पायाशी असतात. अर्थात यासाठी ती खूप मेहनतही घेत आहे.”

आणखी वाचा- रजनीकांत यांना पाहताक्षणी ऐश्वर्या रायने केलं असं काही, व्हिडीओ व्हायरल

ऐश्वर्या राय सध्या तिच्या ‘पोन्नियन सेल्वन’ या चित्रपटामुळे चर्चेत आहे, ज्याचा ट्रेलर नुकताच रिलीज झाला आहे. त्याचबरोबर आलियाही ‘ब्रह्मास्त्र’ चित्रपटामुळे चर्चेत आहे. अलिकडेच ती पती रणबीर कपूरसह उज्जैन येथील महाकाल मंदिरात दर्शनासाठी गेली होती. पण रणबीरच्या गोमांसावरील वक्तव्यानंतर झालेल्या विरोधामुळे त्यांना दर्शन नाकारण्यात आलं, त्यानंतर आलिया-रणबीर दर्शन न घेताच परतले. ऐश्वर्याचा ‘पीएस-१’ हा चित्रपट ३० सप्टेंबरला तर ‘ब्रह्मास्त्र’ ९ सप्टेंबरला प्रदर्शित होणार आहे. ‘ब्रह्मास्त्र’मध्ये आलिया भट्ट व्यतिरिक्त अमिताभ बच्चन, रणबीर कपूर, मौनी रॉय आणि नागार्जुन यांच्याही महत्त्वपूर्ण भूमिका आहेत. अयान मुखर्जीने या चित्रपटाचं दिग्दर्शन केलं आहे.