अभिनेत्री ऐश्वर्या राय बच्चन आणि अभिषेक बच्चन हे मुलगी आराध्यसह गोव्यात होती. १ नोव्हेंबरला ऐश्वर्याचा वाढदिवस असल्याने ते गोव्याला गेले होते. गोव्यातले काही फोटो सोशल मीडियावर व्हायरल झाले आहेत. या फोटोमध्ये स्विमिंग पूलमध्ये उतरलेल्या ऐश्वर्याचा मोनॉकिनी लुक चांगलाच व्हायरल झाला आहे. बोल्ड लुकमधले ऐश्वर्या रायचे फोटो पहिल्यांदाच समोर आले आहेत. या फोटोंमध्ये ऐश्वर्या राय, अभिषेक बच्चन आणि आराध्या स्विमिंगपूलमध्ये धमाल करताना दिसत आहेत.

अभिषेक बच्चनने पत्नी ऐश्वर्याला अनोख्या पद्धतीने शुभेच्छा दिल्या. तिच्यासोबतचा एक फोटो शेअर करत हॅपी बर्थडे वाइफ असे अभिषेकने म्हटले होते. आता या दोघांचे गोव्यातले फोटोही व्हायरल झाले आहेत. खरंतर ऐश्वर्या राय तिचे व्यक्तीगत फोटो कधीही फारसे शेअर करताना दिसत नाही. मात्र पहिल्यांदाच तिचे बोल्ड अंदाजातले फोटो सोशल मीडियावर व्हायरल झाले आहेत. या फोटोंमध्ये ऐश्वर्या राय ब्लॅक मोनॉकनी मध्ये दिसते आहे.