बॉलिवूड अभिनेता अजय देवगण आणि काजोल यांची मुलगी न्यासा चित्रपट किंवा लाइम लाइटपासून दूर असली तरीही सोशल मीडियावर मात्र ती बरीच चर्चेत असते. मागच्या काही काळापासून न्यासा तिच्या ग्लॅमसर लूकमुळे सातत्यानं चर्चेत आहे. पण काही वेळा सोशल मीडियावरील व्हायरल व्हिडीओमुळे तिला ट्रोलही व्हावं लागलं आहे. आताही असंच काहीसं घडलं आहे. न्यासाचा एक व्हिडीओ सध्या सोशल मीडियावर व्हायरल होताना दिसत आहे. ज्यामुळे ती ट्रोल होत आहे.
सोशल मीडियावर व्हायरल झालेल्या या व्हिडीओमध्ये न्यासा तिच्या मैत्रिणी खुशी आणि अनन्या कपूर यांच्यासोबत दिसत आहे. तिघीही डिनर करून हॉटेलमधून बाहेर निघताना दिसत आहेत. सर्वात आधी न्यासा हॉटेलमधून बाहेर पडते. पण त्यावेळी समोर असलेल्या फोटोग्राफर्सकडे ती दुर्लक्ष करते आणि स्वतःच्याच अ‍ॅटीट्यूडमध्ये कारमध्ये जाऊन बसते. फोटोग्राफर्सला तिला फोटोसाठी आवाज देत असतात. पण ती त्यांचं ऐकत नाही. न्यासाचा हा व्हिडीओ व्हायरल झाल्यानंतर तिला सोशल मीडियावर ट्रोल केलं जात आहे.
आणखी वाचा : Video- जेव्हा ६ वर्षांनंतर आर्ची- परश्यानं ‘सैराट’चा ‘तो’ सीन केला रिक्रिएट, व्हिडीओ एकदा पाहाच
न्यासाचा हा व्हिडीओ विरल भयानी यांनी इन्स्टाग्रामवर शेअर केला आहे. यात ती फोटोग्राफर्ससोबत जशी वागली ते पाहून अनेक युजर्सनी संताप व्यक्त केला आहे. एका युजरनं व्हिडीओवर कमेंट करताना लिहिलं, ‘अभिनेत्री होण्याची क्षमता नाही एकाही मुलीत पण यांचं अ‍ॅटीट्यूड तर पाहा.’ तर दुसऱ्या एका युजरनं लिहिलं, ‘जेव्हा तू चित्रपटांमध्ये दिसशील त्यावेळी आम्ही पण चित्रपट पाहणार नाही. त्यावेळी जनतादेखील तुझ्याशी असंच वागेल.’ अशाप्रकारच्या कमेंट करत अनेक युजर्सनी तिला सोशल मीडियावर जोरदार ट्रोल केलं आहे.
आणखी वाचा- ‘लग्न न करता मुलं कशी…’ विचित्र प्रश्नावर सुष्मिता सेननं दिलं उत्तर
दरम्यान या व्हिडीओमध्ये शनाया कपूर आणि खुशी कपूर देखील दिसत आहेत. मात्र या दोघीही सर्व फोटोग्राफर्ससोबत हसून बोलताना दिसत आहेत. एवढंच नाही तर त्यांनी काही चाहत्यासोबतही फोटो क्लिक केले आहेत. लवकरच शनाया कपूर बॉलिवूडमध्ये पदार्पण करणार आहे. ती करण जोहरच्या ‘बेधडक’ चित्रपटात दिसणार आहे.
