अक्षय कुमारचं डिजीटल प्लॅटफॉर्मवर पदार्पण

अॅमेझॉन प्राइम ओरिजीनलच्या ‘द एंड’ या सीरिजद्वारे तो प्रेक्षकांच्या भेटीला येणार आहे. अॅक्शन, ड्रामा आणि थ्रिलरने परिपूर्ण अशी ही सीरिज असणार आहे. ‘ही अत्यंत मजेशीर आणि काल्पनिक कथा आहे. याबद्दल मी सध्या फार काही सांगू शकत नाही पण त्यात प्रेक्षकांना खूप सारं अॅक्शन पाहायला मिळणार हे नक्की,’ असं अक्षयने सांगितलं.

डिजीटल विश्वात पदार्पण करण्याविषयी तो पुढे म्हणाला, ‘मला माझ्या मुलाकडून याबाबत प्रेरणा मिळाली. तरुणांकडून शिकण्यासारखं खूप काही असतं. त्यानेच मला डिजीटल प्लॅटफॉर्मवर येण्यास प्रोत्साहित केलं.’

अक्षय कुमारच्या या वेब सीरिजची निर्मिती अॅबन्डन्शिया एंटरटेन्मेंट करत आहे. या प्रॉडक्शन हाऊसने आर. माधवनच्या ‘ब्रिथ’ या सीरिजची निर्मिती केली होती.