७५व्या वर्षी शस्त्रक्रिया झाल्यानंतर योगसाधनेमुळे आईची तब्येत सुधारली – अक्षय कुमार

अक्षयने त्याची आई, अरुणा भाटिया यांचा योगासनातील एक फोटो शेअर केला आहे. “मी एक असा फोटो शेअर करत आहे ज्याचा मला खूप अभिमान आहे. माझ्या आईचे ७५व्या वर्षी गुडघ्याचे ऑपरेशन झाले. त्यानंतर तिने योगसाधनेला सुरुवात केली. आता तिच्या आयुष्यात ‘योग’ हा अविभाज्य भाग झाला आहे. कोणतीही गोष्ट सुरु करण्यासाठी कधीच उशीर झालेला नसतो.” असे त्याने म्हटले आहे.

View this post on Instagram

A post shared by Akshay Kumar (@akshaykumar)

सध्या अक्षय रोहित शेट्टीच्या ‘सूर्यवंशी’ चित्रपटाच्या शूटिंगमध्ये व्यस्त आहे. सिनेसृष्टीत अक्षय कुमार एक शिस्तप्रिय कलाकार म्हणून ओळखला जातो. स्वतःला फिट ठेवण्यासाठी सायकलिंगपासून योगसाधनेपर्यंतच्या सगळ्या गोष्टी अक्षय करत असतो.