अक्षय कुमारला बसला धक्का, प्रदर्शनाच्या काही तासातच ‘बेल बॉटम’ लीक

एका वृत्तवाहिनीने दिलेल्या वृत्तानुसार अक्षयचा हा चित्रपट इंटरनेटवर फ्री डाउनलोड करण्यासाठी उपलब्ध आहे आणि ते सुद्धा एचडी प्रिंटमध्ये. तमिलरॉकर्स, फिल्मीवॅपसारख्या अनेक पाइरेटेड साइट्सवर ‘बेल बॉटम’ ऑनलाइन लीक झाला आहे. लॉकडाऊननंतर पहिल्यांदा कोणता चित्रपट आपल्याला चित्रपटगृहात प्रदर्शित करण्यात आला आणि तो लीक झाल्याने अक्षय आणि निर्मात्यांना धक्का बसला आहे.

आणखी वाचा : मुलीच्या रिसेप्शन पार्टीमध्ये अनिल कपूरचा ‘झक्कास’ डान्स व्हायरल

‘बेल बॉटम’ या चित्रपटाला प्रेक्षक आणि समीक्षकांकडून सकारात्मक प्रतिसाद मिळाला आहे. करोना काळात ‘बेल बॉटम’च्या निर्मात्यांनी चित्रपटाला चित्रपटगृहात प्रदर्शित करण्याचा निर्णय घेतला. तर अशा कठीण काळात चित्रपटाला प्रदर्शित करण्याचा निर्णय घेतल्याने अनेक सेलिब्रिटींनी निर्मात्यांचे आणि कलाकारांचे कौतुक केले आहे.

आणखी वाचा : व्हर्जिनिटी ते कार सेक्स; ‘या’ सेलिब्रिटींनी त्यांच्या सेक्स लाईफवर केले होते उघडपणे वक्तव्य

अक्षयच्या ‘बेल बॉटम’ या चित्रपटात त्याच्यासोबत लारा दत्ता, वाणी कपूर आणि हुमा कुरैशी देखील आहे. हा चित्रपट १९ ऑगस्टला प्रदर्शित झाला आहे. तर या चित्रपटाची निर्मिती निर्माते जॅकी भग्नानी आणि दिपशिखा देशमुख यांनी केली आहे.