‘गब्बर’ अक्षय!

‘रामलीला’च्या यशानंतर दिग्दर्शक संजय लीला भन्साली नवीन चित्रपटासाठी सज्ज झाला आहे. त्याच्या आगामी ‘गब्बर’ या चित्रपटात अक्षय कुमार प्रमुख भूमिकेत दिसणार आहे. नुकतेच अक्षयने चित्रपटाच्या चित्रीकरणाला सुरुवात केल्याचे इन्स्टाग्राम या सोशल नेटवर्किंग साइटवर पोस्ट केले आहे.
अक्षयने फोटोसह पोस्ट केले आहे की, नवीन चित्रपट, नवीन लूक आणि देवाच्या आशीर्वादाने नवीन वर्षाची सुरुवात झाली आहे. ‘गब्बर’ चित्रपटाचा पहिला शॉट देत आहे. तुमच्या शुभेच्चा असू द्या. अभिनेत्री करिष्मा कपूरही त्याला शुभेच्छा देण्यासाठी ‘गब्बर’च्या सेटवर गेली होती. त्यावर, त्याने माझी सर्वात पहिली हिरोईन मला शुभेच्छा देण्यासाठी सेटवर आली आहे, असे फोटोसहित इन्स्टाग्रामवर पोस्ट केले.