अभिनेत्री आलिया भट्ट (Alia Bhatt) तिच्या गरोदरपणामुळे सध्या चर्चेत आहे. आलियाने आपल्या हातात असलेल्या चित्रपटांचं चित्रीकरण पूर्ण केलं. सध्या ती स्वतःला वेळ देत आहे. यादरम्यान आलियाचा बहुचर्चित ‘डार्लिंग्स’ (Darlings Trailer) चित्रपटाचा ट्रेलर प्रदर्शित झाला आहे. या चित्रपटाच्या ट्रेलर लाँच सोहळ्याला आलियाने हजेरी लावली होती. गरोदरपणा दरम्यान पहिल्यांदाच आलिया या कार्यक्रमानिमित्त सगळ्यांसमोर आली. तिचा या चित्रपटाचा ट्रेलर सध्या सोशल मीडियावर चर्चेचा विषय ठरत आहे.
आणखी वाचा – Video : पुणे विमानतळावर ‘पावनखिंड’ चित्रपट सुरु होता अन्…; प्रत्यक्ष बाजीप्रभु देशपांडेंचं घडलं दर्शन
आलिया या चित्रपटामध्ये मुख्य भूमिका साकारत आहे. पण त्याचबरोबरीने या चित्रपटाच्यानिमित्ताने तिने निर्मिती क्षेत्रात पदार्पण केलं आहे. या चित्रपटामध्ये शेफाली शाह आलियाच्या आईची भूमिका साकारत आहे. तसेच विजय वर्मा, रोशन मॅथ्यू या कलाकारांनी ‘डार्लिंग्स’मध्ये महत्त्वपूर्ण भूमिका साकारली आहे.
पाहा ट्रेलर
बदरू (आलिया भट्ट) आपला नवरा हमजा (विजय वर्मा) हरवला असल्याची पोलिसांमध्ये तक्रार करते. पण बदरू स्वतःच जुल्फीच्या (रोशन मॅथ्यू) मदतीने हमजाला लपवून ठेवते. हमजा आपल्या पत्नीचा सतत छळ करत असल्याने बदरू हा निर्णय घेते. या चित्रपटाची कथा बदरू आणि हमजा भोवती फिरणारी आहे. आलियाचा एक वेगळाच लूक यामध्ये पाहायला मिळत आहे.
आणखी वाचा – अमोल कोल्हेंच्या ऐतिहासिक चित्रपटातील गाण्याला प्रसिद्ध बॉलिवूड गायकाचा आवाज, ‘बम बम भोले’ गाणं ऐकलंत का?
जसमीत के रीनने या चित्रपटाचं दिग्दर्शन केलं आहे. आलियासह शाहरुख खानच्या रेड चिलीज कंपनीने या चित्रपटाच्या निर्मितीची जबाबदारी सांभाळली आहे. आलियाचा हा चित्रपट येत्या ५ ऑगस्टला नेटफ्लिक्सवर प्रदर्शित होईल.
