Video : रणवीर-आलियाच्या ‘गली बॉय’चा प्रोमो प्रदर्शित

अभिनेत्री आलिया भट्टने सोशल मीडियावर हा प्रोमो शेअर केला आहे. सध्या या प्रोमोमधील आलिया आणि रणवीरचे संवाद चांगले गाजत आहेत. प्रदर्शित झालेल्या व्हिडिओमधून या दोघांची केमिस्ट्री चांगलीच दिसून येत आहे.

या चित्रपटामध्ये आलिया एका मेडिकल स्टुडंटची भूमिका वठवत आहे. तर रणवीर पहिल्यांदाच एका रॅपरच्या भूमिकेत झळकणार आहे. विशेष म्हणजे रणवीर आणि आलियासोबतच मराठमोळी अभिनेत्री अमृता सुभाषदेखील झळकणार आहे. या चित्रपटात अमृता रणवीरच्या आईच्या भूमिकेत आहे. झोया अख्तर दिग्दर्शित हा चित्रपट १४ फेब्रुवारीला प्रेक्षकांच्या भेटीला येणार आहे.