अभिनेता अमेय वाघने मराठीसह हिंदी चित्रपटसृष्टीत स्वत:ची एक वेगळी ओळख निर्माण केली आहे. सोशल मीडियावर अभिनेता कायम सक्रिय असतो. अलीकडे अमेय त्याच्या ‘असुर’ या वेब सीरिजमुळे चांगलाच चर्चेत आहे. दरम्यान, अभिनेत्याने २०१७ मध्ये त्याची बालमैत्रीण आणि प्रेयसी साजिरी देशपांडे हिच्याशी पुण्यात लग्नगाठ बांधली होती. आज अमेयच्या लग्नाला सहा वर्ष पूर्ण झाल्याने अभिनेत्याने खास इन्स्टाग्राम पोस्ट शेअर करत बायकोला शुभेच्छा दिल्या आहेत.
हेही वाचा : महाराष्ट्रातील राजकीय भूकंपावर शरद पोंक्षेंनी मांडले परखड मत; पोस्ट शेअर करत म्हणाले, “शब्द आज वारले”
इन्स्टाग्रामवर व्हिडीओ पोस्ट शेअर करत अमेय वाघ लिहितो, “तुझ्या सानिध्यात कळला प्रेमाचा अर्थ खरा…असाच वाहत राहुदे आपल्या प्रेमाचा झरा ! Happy anniversary मालकीण!” या व्हिडीओमध्ये अमेय आणि त्याची बायको साजिरी एकत्र धबधब्यावर वेळ घालवताना दिसत आहेत.
अमेय वाघने शेअर केलेल्या या व्हिडीओर अभिज्ञा भावे, सुरभी हांडे यांसारख्या अभिनेत्रींनी कमेंट करत त्याला शुभेच्छा दिल्या आहेत. चित्रपटसृष्टीतील काही मित्रमंडळींसह अभिनेत्याच्या असंख्य चाहत्यांनी या व्हिडीओवर प्रतिक्रिया देत अमेय-साजिरी या दोघांचेही कौतुक केले आहे.
हेही वाचा : “खेळ तर आता सुरू…”, महाराष्ट्राच्या राजकारणावर मराठी अभिनेत्याने केलेले ट्वीट चर्चेत
दरम्यान, अमेय वाघ मुख्य भूमिकेत असलेल्या ‘असूर’ या सीरिजचे पहिले पर्व २ मार्च २०२० रोजी प्रदर्शित झाले होते. त्यानंतर आता सव्वातीन वर्षांनी १ जून २०२३ रोजी याचे सीरिजचे दुसरे पर्व प्रेक्षकांच्या भेटीला आहे. या सीरिजमध्ये अर्शद वारसी, बरुण सोबती, रिद्धी डोगरा, अनप्रिया गोएंका, गौरव अरोरासह अनेक कलाकार होते.
