‘लालसिंग चड्ढा’चं चित्रीकरण अंतिम टप्प्यात, करीना-आमिरच्या प्रमुख भूमिकांमुळे चाहत्यांना उत्सुकता!

करीनाने देखील तिच्या टीमसोबत अनेक फोटो तिच्या इन्स्टाग्रामवर शेअर केले  होते. या फोटोला “लालसिंग चड्ढा आणि माझे प्रेमळ सहकारी”, अशा आशयाचे कॅप्शन दिले होते. तिने शेअर केलेल्या एका फोटोत ती मेकअप करताना दिसली होती. तर दुसऱ्या फोटोत ती कॅमेरासाठी पोझ देताना दिसली. या आधी आमिर खान या चित्रपटाचे शूटिंग लडाख  मध्ये करत होता त्यावेळेस त्याच्या सोबत पूर्वाश्रमीची पत्नी किरण राव, अभिनेत्री मोना सिंग, अभिनेता नागा चैतन्य देखील होते. त्यानंतर त्यांचे हे नवीन फोटो सोशल मीडियावर व्हायरल झाले आहेत.

मागच्या वर्षी, करीनाने आमिर खानसोबत इन्स्टाग्रामवर काही फोटो शेअर करत, “प्रत्येक प्रवासाचा शेवट हा येतोच, आज माझ्या लालसिंग चड्ढा या आगामी चित्रपटाचे शूटिंग संपले, कोविड, माझी प्रेग्ननसी आणि भीती  हे सगळं असले तरी सगळी काळजी घेऊन शूट केले आहे”, अशा आशयाचे कॅप्शन तिने दिले आहे. तसंच संपूर्ण टीमचे आभार देखील मानले आहेत. ‘लालसिंग चड्ढा’ हा चित्रपट १९९४ साली प्रदर्शित झालेल्या ‘फॉरेस्ट गम्प’ या ऑस्कर पुरस्कार विजेत्या चित्रपटाचा रिमेक आहे.  या चित्रपटात आमिर एक पंजाबी व्यक्तिरेखा साकारत आहे. लॉकडाऊन नंतर आता राहिलेल्या चित्रपटाचे चित्रीकरण पुन्हा सुरु करण्यात आले आहे.