टि्वटरवर बिग बीचे १ कोटी चाहते!

हिंदी चित्रपटसृष्टीतील महानायक अमिताभ बच्चन हे सतत नाविन्याच्या शोधात असतात आणि त्यांच्या याच स्वभावामुळे नवीन तंत्रज्ञान आत्मसात करतानादेखील ते अघाडीवर असल्याचे दिसून येते. इंटरनेटसारख्या अधुनिक तंत्राचा मोठ्या खुबीने वापर करीत टि्वटर, फेसबुक आणि ब्लॉगसारख्या माध्यमातून ते सतत सक्रिय असल्याची प्रचिती येते. या नवमाध्यामातून सतत चाहत्यांच्या संपर्कात राहात ते आपल्या दैनंदिन कार्याची माहिती येथे पोस्ट करीत असतात. सोशल मीडियावरील त्यांच्या या सक्रियतेमुळे टि्वटरवरील त्यांच्या फॉलोअर्सची संख्या एक कोटी इतकी झाली आहे.