बिग बी अमिताभ बच्चन अभिनयासोबतच सोशल मीडियावर चांगलेच सक्रिय असतात. कधी जुने फोटो, कधी सणावाराच्या शुभेच्छा तर कधी कविता शेअर करत ते चाहत्यांशी संवाद साधतात. बिग बींच्या या पोस्ट चाहत्यांसाठी चर्चेच्या विषय असतात. नुकतेच बिग बींनी काही फोटो आणि एक कविता सोशल मीडियावर शेअर केलीय. यात त्यांनी स्वत:च्याच लूकवर चारोळी लिहित विनोद केलाय.
बिग बी अमिताभ बच्चन यांनी ‘कौन बनेगा करोडपती’च्या सेटवरील दोन फोटो ट्वीटरवर शेअर केले आहेत. या फोटोंमध्ये बिग बींनी पांढऱ्या रंगाचं हुडी त्यावर निळा स्कार्फ आणि रंगीत हेरम पॅन्ट परिधान केल्याचं दिसतंय. बिग बींचा हा हटके लूक पाहून चाहते देखील थक्क झाले आहेत. तर बिग बींनी स्वत:च लूकवर हटके कविता केलीय. “पहन्ने, को दिया पजामा, लगा साड़ी को फाड़ा ;आगे छोटी जेब दे दी, औ’ पीछे लगा है नाड़ा !!” या त्यांच्या हटके कवितेला चाहत्यांनी मोठी पसंती दिलीय.
बिग बींचा हा लूक पाहून चाहतेही थक्क झाले आहेत. अनेकांनी तर त्यांना ‘नवे रणवीर सिंग’ म्हंटलं आहे. एक युजर कमेंट करत म्हणाला, “अरे सर हा रणवीर सिंगचा आजार कुठून झाला.” तर दुसरा युजर म्हणाला, “रणवीर भावा जरा सांभाळून रहा फॅशनमध्ये आता बीग बी देखील टक्कर देत आहेत.”
बिग बींच्या या फोटोवर अनेकांनी त्यांना रणवीरपासून दूर राहण्याचा सल्ला दिल्याचं दिसतंय. “रणवीरच्या संगतीत राहून तुम्ही बिघडत आहात” असं काही युजर म्हणाले आहेत.
दरम्यान, बिग बी लवकरच अयान मुखर्जीच्या ‘ब्रह्मास्त्र’ सिनेमात दमदार भूमिकेत झळकणार आहात. हा सिनेमा ९ सप्टेबरला रिलीज होणार आहे. तसचं ते ‘गुडबाय’, ‘उचाई’ या सिनेमांमधूनही प्रेक्षकांच्या भेटीला येणार आहेत.
