ऋषी कपूर यांच्या जागी अमिताभ बच्चन यांची वर्णी, ‘द इंटर्न’चं पोस्टर प्रदर्शित

दीपिकाने तिच्या इन्स्टाग्राम अकाऊंटवरून या चित्रपटाचं पोस्टर सोशल मीडियावर शेअर केलं आहे. या पोस्टरमध्ये अमिताभ आणि दीपिका दिसत आहेत. “माझे सर्वात खास सहकलाकार अमिताभ बच्चन यांच्यासोबत पुन्हा एकदा काम करायला मिळणं ही माझ्यासाठी सन्मानाची गोष्ट आहे. ‘द इंटर्न’च्या बॉलिवूड रिमेकमध्ये तुमचं स्वागत आहे”, अशा आशयाचे कॅप्शन दीपिकाने ते पोस्टर शेर करत दिले आहे.

‘द इंटर्न’ या चित्रपटाचे दिग्दर्शन नॅंसी मेयर्सने केले आहे. हा हॉलिवबड चित्रपट २०१५मध्ये प्रदर्शित झाला होता. या चित्रपटात ऐनी हॅथवे आणि रॉबर्ट डी नीरो मुख्य भूमिकेत होते. आता या चित्रपटाचा हिंदी रिमेक २०२२ मध्ये प्रदर्शित होणार आहे.