भव्य क्रूझ, अमेरिकन बँडचा परफॉर्मन्स अन्…; अनंत-राधिकाच्या प्री-वेडिंगचे फोटो व्हायरल, रणवीरच्या हटके लूकने वेधलं लक्ष

‘अमेरिकन बॉय बँड बॅकस्ट्रीट बॉईज’ हा बँड क्रूझवर परफॉर्म करतानाचा व्हिडिओ सध्या सोशल मीडियावर व्हायरल होत आहे. हा परफॉर्मन्स ३० तारखेला म्हणजेच गुरुवारी रात्री सादर करण्यात आला होता. अंबानी अपडेट या इन्स्टाग्राम पेजवरून हे व्हिडीओ शेअर करण्यात आले आहेत. याशिवाय रणवीर सिंहचा क्रूझवर धमाल करतानाचा एक फोटो सुद्धा सध्या व्हायरल होत आहे. परंतु, या समारंभात सहभागी होण्यासाठी गरोदर पत्नी दीपिका पदुकोणला मुंबईत एकटं सोडून गेल्यामुळे अनेकांनी रणवीरला ट्रोल देखील केलं आहे.

हेही वाचा : ९ वर्षे ऑडिशनमध्ये अपयश, सॉफ्ट पॉर्न फिल्ममध्ये काम अन्…; ‘पंचायत’च्या भूषणला प्रचंड संघर्षानंतर ओटीटीने केलं स्टार

डिझायनर शिल्पाने शेअर केलेल्या या व्हायरल फोटोंमध्ये रणवीरने पांढऱ्या रंगाची पँट त्यावर मॅचिंग असे शूट आणि नेव्ही ब्लू रंगाचा सॅटिन शर्ट घातला आहे. “स्टारी नाइट्स” असं कॅप्शन या फोटोला देण्यात आलं आहे. मात्र, चाहत्यांच्या उलटसुलट प्रतिक्रियानंतर डिझायन शिल्पाने ही पोस्ट डिलीट केली आहे.

याशिवाय अनंत राधिकाची लग्नपत्रिका सध्या सोशल मीडियावर व्हायरल होत आहे. दुसरं प्री-वेडिंग सुरू असतानाच या दोघांची लग्नपत्रिका सोशल मीडियावर व्हायरल झाली आहे. शुक्रवार १२ जुलै रोजी अनंत-राधिका सात फेरे घेणार आहेत. यानंतर शनिवारी १३ जुलैला नवीन जोडप्याला शुभाशीर्वाद देण्याचा कार्यक्रम होईल. यानंतर रविवारी १४ जुलैला लग्नाच्या रिसेप्शनचं आयोजन करण्यात आलं आहे.

हेही वाचा : थिएटर्समध्ये सुपरफ्लॉप ठरलेला ‘बडे मियाँ छोटे मियाँ’ OTT वर होणार प्रदर्शित, अक्षय कुमार-टायगर श्रॉफचा सिनेमा कुठे पाहता येणार?

हेही वाचा : Video : ‘तारक मेहता’ फेम बबिताला पडली ‘गुलाबी साडी’ गाण्याची भुरळ, संजू राठोड कमेंट करत म्हणाला…

दरम्यान, यापूर्वी अंबानींनी जामनगरमध्ये प्री-वेडिंगसाठी भव्य पार्टी आयोजित केली होती. या तीन दिवसांत पॉप स्टार रिहाना, दिलजीत दोसांझ, एकॉन, श्रेया घोषाल आणि अरिजित सिंग आदींनी परफॉर्मन्स सादर केले होते.