मोदक, भरलेली वांगी, ठेचा अन्…; अंबानींच्या लग्नात मराठमोळ्या पदार्थांची रेलचेल, ‘असा’ होता मेन्यू

रणवीर-दीपिका, आलिया-रणबीर, सलमान खान, शाहरुख-गौरी, अनिल कपूर, माधुरी दीक्षित, बच्चन कुटुंबीय, सिद्धार्थ – कियारा, विकी-कतरिना, जान्हवी कपूर, सारा अली खान, अनन्या पांडे असे सगळेजण या समारंभात सहभागी झाले होते. अनंत-राधिकाच्या लग्नासाठी देसी गर्ल प्रियांका चोप्रा सुद्धा परदेशातून भारतात आली होती. याशिवाय किम कार्दशियन, युकेचे माजी पंतप्रधान बोरिस जॉनसन, सॅमसंग कंपनीचे मालक ली बायंग-चुल असे अनेक मान्यवर मुंबईत दाखल झाले होते.

हेही वाचा : Video : अंबानींच्या धाकट्या सूनेचा जामनगरमध्ये भव्य गृहप्रवेश! अनंत-राधिकाचा गुजरातमधील व्हिडीओ व्हायरल

अंबानींच्या लग्नात मराठमोळ्या पदार्थांची रेलचेल ( Anant Ambani )

देश-विदेशातून आलेल्या या सगळ्या पाहुण्यांसाठी अंबानींच्या लग्नसोहळ्यात एकूण अडीच हजारांहून अधिक पदार्थ बनवण्यात आले होते. अनंत-राधिकाच्या लग्नात अमेरिकन, पंजाबी, महाराष्ट्रीय, दाक्षिणात्य पदार्थांची रेलचेल पाहायला मिळाली. यामध्ये अनेक मराठमोळ्या पदार्थांचा समावेश आहे. अंबानींच्या लग्नसोहळ्यातील मराठी पदार्थांची यादी जाणून घेऊयात…

अनंत-राधिकाच्या लग्नात मराठी पदार्थांच्या मेन्यूमध्ये थालीपीठ, मिरची – शेंगदाण्याचा ठेचा, मिरची व कैरी ठेचा, मिरचीचा ठेचा, भरलेली वांगी, पुणेरी आलू, बटाट्याची भाची, डाळिंबी उसळ, मसाले भात, मोदक असे बरेच पदार्थ होते. याचं मेन्यू कार्ड सध्या सोशल मीडियावर व्हायरल होत आहे.

हेही वाचा : “माझ्याबरोबर चुकीचं वागणारे आता भोगत आहेत”, घटस्फोटाबाबत अनिकेत विश्वासरावचं भाष्य; म्हणाला, “हायकोर्टाने निर्णय…”

हेही वाचा : Bigg Boss OTT 3 : वाइल्ड कार्ड स्पर्धकाने घरात एंट्री घेताच मोडला ‘हा’ महत्त्वाचा नियम; बिग बॉसने पहिल्याच दिवशी…

दरम्यान, अनंत ( Anant Ambani ) – राधिकाचा साखरपुडा २०२३ मध्ये पार पडला होता. यानंतर यावर्षी मार्च महिन्यात दोघांचा प्री-वेडिंग सोहळा गुजरातमधील जामनगर येथे पार पडला. अनंत-राधिकाच्या दुसऱ्या प्री-वेडिंग सोहळ्याचं इटलीत क्रुझवर आयोजन करण्यात आलं होतं. या भव्य सेलिब्रेशननंतर अनंत-राधिका १२ जुलैला ( शुक्रवार ) विवाहबंधनात अडकले. शनिवारी या जोडप्याला शुभाशीर्वाद देण्याचा कार्यक्रम पडला तर, रविवारी अंबानी कुटुंबीयांनी रिसेप्शनचं आयोजन केलं होतं.