Anant Ambani and Radhika Merchant Wedding: अनंत अंबानी लवकरच बोहल्यावर चढणार आहे. एन्कोर हेल्थकेअर प्रायव्हेट लिमिटेडचे सीईओ वीरेन मर्चंट आणि उद्योजिक शैला मर्चंट यांची मुलगी राधिका मर्चंट हिच्याशी अनंत अंबानी लग्नगाठ बांधणार आहे. दोघांच्या लग्नसोहळ्यासाठी अवघे काही तास बाकी राहिले आहेत. त्यामुळे सध्या अंबानींच्या पाहुण्यांची लगबग सुरू असल्याचं पाहायला मिळत आहे. कालपासून अनंत-राधिकाच्या लग्नासाठी देशातील आणि परदेशातील पाहुणे मंडळी मुंबईत दाखल होताना दिसत आहेत. काही देशांच्या पंतप्रधानांसह हॉलीवूड, बॉलीवूड आणि इतर सिनेसृष्टीतील कलाकार मंडळी मुंबईत पोहोचले आहेत. अनंत-राधिकाच्या लग्नाची तयार झाली असून लग्नमंडपाचा पहिला व्हिडीओ समोर आला आहे. अनंत अंबानी-राधिका मर्चंटचं लग्न नीता-मुकेश अंबानी कल्चरल सेंटरमध्ये (NMACC) होणार आहे. माहितीनुसार, दुपारी ३ वाजता शुभ मुहूर्तावर दोघं लग्नबंधनात अडकणार आहेत. त्यामुळे सध्या अनंत-राधिकाचा लग्नमंडप पाहण्यासाठी सगळे उत्सुक आहेत. अशातच लग्नमंडपाचा पहिला व्हिडीओ समोर आला आहे. NMACCमधील लग्नमंडपाचा व्हिडीओ 'अंबानी अपडेट' या इन्स्टाग्राम पेजवरील स्टोरीमध्ये शेअर करण्यात आला आहे. हेही वाचा - Video: हर हर महादेव…; अनंत-राधिकाच्या लग्नाआधी अँटिलियावर ‘अशी’ पार पडली शिव शक्ती पूजा, Unseen Video आला समोर या व्हिडीओमध्ये, अनंत-राधिकाच्या लग्नाचा मंडप शाही पद्धतीने सजवलेला दिसत आहे. आकर्षण विद्युत रोषणाई सुंदररित्या केलेली पाहायला मिळत आहे. तसंच पाहुण्यांची आसन व्यवस्था स्टेजसमोरचं केली आहे. लग्नातल्या प्रत्येक छोट्या गोष्टींची विशेष काळजी घेण्यात आली आहे. हेही वाचा – Video: ‘जवान’ दिग्दर्शक अ‍ॅटलीचा विकी कौशलबरोबर ‘तौबा तौबा’ गाण्यावर जबरदस्त डान्स, अनंत-राधिकाच्या संगीत सोहळ्यात थिरकले दरम्यान, अनंत अंबानी आणि राधिका मर्चंटच्या लग्नसोहळ्यासाठी प्रियांका चोप्रा पती निक जोनसबरोबर मुंबईत दाखल झाली आहे. याशिवाय जगप्रसिद्ध स्टार किम कार्दशियन आणि ख्लोए कार्दशियन मुंबईत पोहोचली आहे. या शाही लग्नसोहळ्यासाठी बॉलीवूडचे अनेक कलाकार उपस्थित राहणार आहेत. तसंच देशातील राजकीय नेते मंडळी देखील अनंत-राधिकाला आशीर्वाद देण्यासाठी मुंबईत दाखल झाले आहेत. हेही वाचा - अनंत अंबानी-राधिका मर्चंटच्या लग्नाआधी झालेली शिव शक्ती पूजा का केली जाते? जाणून घ्या… अनंत-राधिकाच्या शाही लग्नानंतर उद्या १४ जुलैला रिसेप्शन सोहळा आयोजित करण्यात आला आहे. या सोहळ्यात निमंत्रित पाहुणे मंडळींसह रिलायन्स आणि जिओ कंपनीचे मोठे अधिकारी, कर्मचारी उपस्थित राहणार आहेत. याशिवाय १५ जुलैला रिसेप्शन पार्टी देखील असणार आहे.
