उद्योगपती मुकेश अंबानी व नीता अंबानी यांचा धाकटा मुलगा अनंत अंबानी याचा राधिका मर्चंटशी काहीच दिवसांपूर्वी साखरपुडा पार पडला. राधिका व अनंत अंबानीच्या साखरपुड्याचे फोटो व व्हिडीओ सोशल मीडियावर प्रचंड व्हायरल झाले होते.
साखरपुड्यानंतर आठ दिवसांनी अनंत अंबानी व राधिका मर्चंट तिरुपती बालाजीच्या दर्शनाला गेले होते. तिरुमाला मंदिरात दर्शन घेत त्यांनी पारंपरिक पूजाही केली. राधिका मर्चंट व अनंत अंबानी यांचे तिरुपती बालाजीच्या मंदिरातील दर्शनाचे फोटो व व्हिडीओ व्हायरल झाले आहेत.
‘हिंदुस्तान टाइम्स’ने दिलेल्या वृत्तानुसार, अनंत अंबानी व राधिका मर्चंट यांनी २४ जानेवारी(मंगळवारी) ओडिसा राज्यातील जग्गनाथ मंदिराला भेट दिली. त्याआधी गुवाहाटीमधील कामाख्या देवीचं दर्शनही त्यांनी घेतले असल्याची माहिती आहे.
हेही वाचा>> आधी साखरपुडा अन् लगेचच दुसऱ्या दिवशी पार पडलं लग्न; ‘मन उडू उडू झालं’ फेम अभिनेत्याची नवी इनिंग
अनंत अंबानी व राधिका मर्चंट यांचा साखरपुडा १९ जानेवारीला पार पडला होता. अंबानी कुटुंबियांनी त्यांच्या साखरपुड्यात अनंत अंबानी व राधिकासाठी खास डान्सही केला होता. अनंत अंबानी व राधिका मर्चंट गेल्या अनेक वर्षांपासून रिलेशनशिपमध्ये आहेत. साखरपुड्यानंतर आता त्यांच्या लग्नाच्या चर्चा सुरू आहेत.
