Gulabi Sadi at Anant Ambani Wedding: अनंत अंबानी-राधिका मर्चंटच्या लग्नसोहळ्याची चर्चा गेल्या वर्षभरापासून सुरू आहे. अखेर १२ जुलै रोजी हे जोडपं लग्नबंधनात अडकलं. मुंबईतील जिओ वर्ल्ड कन्व्हेन्शन सेंटरमध्ये हा सोहळा पार पडला. बॉलीवूडसह क्रीडा क्षेत्रातील मंडळी तसेच जगप्रसिद्ध कलाकार अंबानी कुटुंबाच्या या भव्य लग्नसोहळ्याला उपस्थित होते. आपल्या सुरेल आवाजाने अनेक गायकांनी या सोहळ्याची शोभा वाढवली. भारतीय रॅपर किंग, जगप्रसिद्ध गायक रेमा तसेच लुईस फोन्सी यांनी त्यांच्या मंत्रमुग्ध आवाजाने पाहुण्यांचं मनोरंजन केलं. तर या लग्नसोहळ्यात 'गुलाबी साडी' फेम संजु राठोडने सगळ्यांचं लक्ष वेधून घेतलं. हेही वाचा. Anant Ambani Wedding: अनंत -राधिकाच्या लग्नसोहळ्यासाठी निघताना किम कार्दशियनच्या बहिणीचा घसरला पाय; Video Viral काही महिन्यांपासून 'गुलाबी साडी' (Gulabi Sadi) हे गाणं सोशल मीडियावर ट्रेंडिंग आहे आणि तुफान व्हायरल होतंय. इन्फ्लूएंसर्ससह अनेक कलाकारांनी यावर डान्स करत व्हिडीओ शेअर केले आहेत. हे गाणं व्हायरल झाल्याने संजू राठोडला प्रसिद्ध मिळाली. अनेक प्रसिद्ध कार्यक्रमांना त्याला गाणं सादर करण्यासाठी बोलावण्यात आलं होतं. आता संजूने थेट अंबानींच्या लग्नसोहळ्यात त्याचं लोकप्रिय गाणं परफॉर्म केलं आहे. या गाण्याचा व्हिडीओ सध्या सोशल मीडियावर तुफान व्हायरल होतोय. अनंत-राधिकाच्या लग्नात संजू राठोडचा परफॉर्मन्स (Gulabi Sadi at Anant Ambani Wedding) 5262.studios या इन्स्टाग्राम अकाउंटवरून हा व्हिडीओ शेअर करण्यात आला आहे. व्हिडीओ सुरू होताच प्रसिद्ध रॅपर किंग हा घोषणा करतो की, "तुम्ही गुलाबी साडीसाठी तयार आहात का?" तेवढ्यात संजू स्टेजवर येतो आणि गुलाबी साडी या गाण्यावर जबरदस्त परफॉर्म करतो. संजू राठोडने आपल्या इन्स्टाग्राम स्टोरीवरदेखील हा व्हिडीओ शेअर केला आहे. संजूचा हा व्हिडीओ व्हायरल होताच चाहत्यांनी यावर प्रतिक्रिया देत आपल्या भावना व्यक्त केल्या आहेत. एका चाहत्याने कमेंट करत लिहिलं, मराठी गाण्यावर सर्वांना नाचवलंस, मानलं भावा तुला. तर दुसऱ्याने, "जस्टीन बीबरपेक्षा तरी चांगलं गायलायस" अशी कमेंट केली आहे; तर अनेकांनी तुझा खूप अभिमान वाटतो अशी कमेंट केली आहे. या व्हिडीओत संजू गात असताना काहीजण त्याच्याबरोबर डान्स करण्यासाठी स्टेजवर येताना दिसतायत. हेही वाचा. Anant Ambani Wedding: “चोली के पिछे क्या है…”, अनंत-राधिकाच्या लग्नसोहळ्यात माधुरी दिक्षितच्या हटके डान्सने वेधलं लक्ष दरम्यान, अनंत अंबानी-राधिका (Anant Ambani Wedding) मर्चंटच्या शाही लग्नसोहळ्यानंतर काल १३ जुलै रोजी 'शुभ आशीर्वाद' सोहळा पार पडला. या सोहळ्याला भारताचे पंतप्रधान नरेंद्र मोदी यांनी उपस्थिती दर्शविली होती; तर आज १४ जुलै रोजी 'मंगल उत्सव' म्हणजेच रिसेप्शन पार पडणार आहे.
