इशान खट्टरशी ब्रेकअपनंतर अनन्या पांडे करतेय आदित्य रॉय कपूरला डेट? चर्चांना उधाण

आपल्या खासगी आयुष्यामुळे नेहमीच चर्चेत राहणारी अनन्या कपूर इशान खट्टरशी ब्रेकअप झाल्यानंतर आता अभिनेता आदित्य रॉय कपूरला डेट करत असल्याचं बोललं जात आहे. ‘ई-टाइम्स’नं दिलेल्या वृत्तानुसार या दोघांमध्ये मैत्रीपेक्षा जास्त काहीतरी नातं आहे. मात्र दोघांनीही याबाबत गुप्तता बाळगली आहे. दोघंही एकमेकांना डेट करत असल्याच्या वृत्ताची पुष्टी मात्र त्यांनी अद्याप केलेली नाही.

आणखी वाचा-“मला ब्रेस्ट सर्जरी करण्यास सांगितलं होतं” प्रसिद्ध अभिनेत्रीचा धक्कादायक खुलासा

अनन्या पांडे याआधी अभिनेता शाहिद कपूरचा भाऊ इशान खट्टरला डेट करत होती. दोघंही जवळपास ३ वर्ष एकमेकांसोबत रिलेशनशिपमध्ये होते. २०२० मध्ये दोघांचा चित्रपट ‘खली पीली’ प्रदर्शित झाला होता. पण या चित्रपटानंतर दोघांमध्ये दुरावा आला. दोघांनी त्यांच्या नात्याबद्दल कधीच उघड वक्तव्य केलं नव्हतं मात्र अनेकदा दोघंही सार्वजनिक ठिकाणी स्पॉट झाले होते. त्यामुळे त्यांच्या ब्रेकअपची बरीच चर्चा झाली होती.