कलर्स मराठीवरील ‘सूर नवा ध्यास नवा छोटे सुरवीर’ हा कार्यक्रम सुरु झाल्यापासूनच यातील छोटे सुरवीर आपल्या सुंदर गायकीने अवघ्या महाराष्ट्राची मनं जिंकत आहेत. कार्यक्रमातील स्पर्धकांनी विविध शैलींमधील गाणी उत्तम पद्धतीने सादर करून प्रत्येक भागामध्ये कॅप्टन्सना तसेच मंचावर आलेल्या विशेष अतिथींना आश्चर्याचा सुखद धक्काही दिला आहे. येत्या सोमवार, मंगळवार आणि बुधवारच्या भागामध्ये देखील असेच काहीसे घडणार आहे. ‘वायाकॉम18 मोशन पिक्चर्स’ प्रस्तुत आगामी चित्रपट ‘आणि…डॉ. काशिनाथ घाणेकर’च्या टीमने म्हणजेच सुबोध भावे, सुमित राघवन, सोनाली कुलकर्णी, आनंद इंगळे यांनी कार्यक्रमाच्या मंचावर हजेरी लावली.
या कार्यक्रमात चित्रपटाच्या टीमने धमाल किस्से, आठवणी सांगितल्या. हा दिवाळी विशेष भाग येत्या सोमवार ते बुधवारी रात्री ९.३० वाजता प्रसारित होणार आहे.
दिवाळी विशेष भागात स्पर्धकांनी एकापेक्षा एक गाणी लावून प्रेक्षकांना थक्क केले. मीरा, उत्कर्ष, नेहा केणेने नका सोडून जाऊ, सक्षमने शूर आम्ही सरदार आम्हाला ही गाणी सादर केली. तसेच सुबोधने महेश काळे यांना एक गाणे सादर करण्याची विनंती करताच कार्यक्रमात अजूनच रंगत आली. सोनाली कुलकर्णीनेही दोन ओळी सादर केल्या. तर सुमित राघवनने सईसोबत तेरा मुझसे हे सुंदर गाणे सादर केले.
या आठवड्यात मॉनिटरने केलेल्या एन्ट्रीवर सगळे काय म्हणाले माहितेय? 'एकदम कडक'… पाहा, दिवाळी विशेष #SurNavaDhyasNava छोटे सूरवीर 'आणि डॉ. काशिनाथ घाणेकर' या चित्रपटाच्या टीमसोबत, येत्या सोम-बुध. रात्री 9.30 वा. #ColorsMarathi वर आणि @justvoot
वर कधीही. pic.twitter.com/IOEbafBXbG— Colors Marathi (@ColorsMarathi) November 3, 2018
Video : ‘आणि डॉ. काशिनाथ घाणेकर’वरचा हा एकदम कडक व्हिडिओ
या चित्रपटाबद्दल सांगायचे तर तो सुवर्णकाळ तसेच त्या सुवर्ण क्षणांना पुन्हा एकदा बघण्याची संधी प्रेक्षकांना मिळणार आहे, असं सुमीत म्हणाला. चित्रपटातील कलाकार त्यांचे अनुभव, या चित्रपटादरम्यानचा त्यांचा प्रवास प्रेक्षकांना सांगणार आहेत.
