बॉलिवूड अभिनेता अनिल कपूर आणि दिवंगत अभिनेत्री श्रीदेवी यांची जोडी ही लोकप्रिय जोड्यांपैकी एक होती. या दोघांनी बऱ्याच चित्रपटांमध्ये एकत्र काम केले आहे. त्यापैकी सगळ्यात लोकप्रिय ठरलेला चित्रपट म्हणजे ‘लम्हे’ हा आहे. ‘लम्हे’ या चित्रपटाला अनेक पुरस्कार मिळाले आहेत. या चित्रपटात श्रीदेवी यांनी दुहेरी भूमिका साकारली होती.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

आज या चित्रपटाला प्रदर्शित होऊन ३० वर्षे पूर्ण झाली आहेत. त्याच निमित्ताने अनिल कपूर यांनी एक पोस्ट सोशल मीडियावर शेअर केली आहे. ही पोस्ट अनिल कपूर यांनी त्यांच्या इन्स्टाग्राम अकाऊंटवरून शेअर केली आहे. या चित्रपटातील काही फोटो शेअर करत “यश चोप्रा यांचा सर्वोत्कृष्ट चित्रपट लम्हेला प्रदर्शित होऊन ३० वर्षे झाल्याचा आनंद साजर करत आहे…एक विश्वासाची झेप मी घेतली आणि या लोकप्रिय चित्रपटाचा एक भाग झालो याचा आनंद आहे”, अशा आशयाती पोस्ट अनिल यांनी केली आहे. अनिल यांची ही पोस्ट सोशल मीडियावर प्रचंड व्हायरल झाली आहे.

आणखी वाचा : “पहिल्याच डेटवर बॉयफ्रेंडने केली शरीरसुखाची मागणी…”, ‘तारक मेहता…’ मालिकेतील अभिनेत्रीने केला खुलासा

आणखी वाचा : “पैसे टाकले म्हणून तिने राज कुंद्राशी लग्न केलं!”; अनिल कपूरच्या विधानावर शिल्पा शेट्टीने दिलं उत्तर, म्हणाली…

‘लम्हे’ हा चित्रपट १९९१ साली प्रदर्शित झाला होता. या चित्रपटात वीरेनला पल्लवीवर प्रेम होते. मात्र, ती सिद्धार्थशी लग्न करते. या जोडप्याचे निधन होते. तर, त्यांची मुलगी मोठी झाल्यावर पल्लवीसारखीच हुबेहुब दिसत असते आणि यावेळी तिला वीरेनवर प्रेम होते.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Anil kapoor celebrates 30 years lamhe calls sridevi starrer leap of faith dcp