बॉलिवूड अभिनेता अनिल कपूर AK vs AK या चित्रपटातून प्रेक्षकांच्या भेटीस आला आहे. याच चित्रपटानिमित्त नुकताच अनिल कपूर यांनी सोशल नेटवर्किंगवरुन आपल्या चाहत्यांशी संवाद साधला. #AkVsAk हा हॅशटॅग वापरुन मला प्रश्न विचारा मी उत्तर देईन असं सांगत अनिल यांनी चाहत्यांच्या अनेक प्रश्नांना दिलखुलासपणे उत्तरं दिलं. मात्र या सर्वांमध्ये त्यांचं एक उत्तर सध्या चर्चेचा विषय ठरत आहे कारण एका चाहतीने गुजरातीमध्ये विचारलेल्या प्रश्नाला अनिल कपूर यांनी थेट मराठीत उत्तर दिलं आहे. नक्की पाहा >> मजनू भाईंचे हे भन्नाट Memes नेटकऱ्यांना कायमच खदखदून हसवतात युट्यूबर असणाऱ्या अदिती रावल या तरुणीने अनिल कपूर यांच्या AK vs AK या चित्रपटाचं कौतुक केलं. यामध्ये अनिल कपूर यांनी खूपच छान अभिनय केला आहे. पडद्यावर वावरताना ते अभिनय करत आहेत असं वाटतं नाही, अशा शब्दांमध्ये अदितीने गुजराती आणि इंग्रजी भाषेत अनिल कपूर यांचं कौतुक केलं. तसेच आपल्या या ५८ सेकंदांच्या व्हिडीओच्या शेवटी तिने अनिल कपूर यांना मला तुम्हाला भेटून तुमची मुलाखत घेण्याची इच्छा आहे असंही म्हटलं. हा व्हिडीओ ट्विट करताना अदितीने तुम्ही एवढी ऊर्जा कुठून आणता असा प्रश्न अनिल कपूर यांना #AkVsAk हा हॅशटॅग वापरुन विचारला. नक्की वाचा >> अनिल कपूर आणि ‘झकास’ शब्दाचं अनोखं कनेक्शन I would like to meet @AnilKapoor someday and ask only one question that “how do you manage to get so much energy and invest the same in to your every frame”?#AkVsAk is a must watch film on @NetflixIndia #AditiKaReview pic.twitter.com/Bf2srkl1yD — Aditi Raval (@aditiraval) December 30, 2020 अनिल कपूर यांनी या ट्विटला उत्तर देताना व्हिडीओमध्ये अदितीने व्यक्त केलेल्या मुलाखत घेण्यासंदर्भातील इच्छेवर भाष्य केलं. मात्र हे उत्तर देताना गुजराती तसेच इंग्रजीमधून बोलणाऱ्या अदितीला मुंबईकर असणाऱ्या अनिल कपूर यांनी मराठीमधून उत्तर दिलं. "तुम्ही मला बोलवा मी कधीही येईन" असं उत्तर अनिल कपूर यांनी या ट्विटला दिलं. Tumhi mala bolva , mi kadhi he yahen @aditiraval — Anil Kapoor (@AnilKapoor) December 30, 2020 मात्र त्यावर अदितीने मला ही भाषा समजत नाही असं उत्तर दिलं होतं. अनिल कपूर यांच्या मराठी चाहत्यांनी अदिती गुजराती असल्याने ती गुजराती भाषेतून चित्रपटांचे परिक्षण करते. त्यामुळे मुंबईकर असणाऱ्या अनिल कपूर यांनी तिला मराठीत उत्तर दिल्याचं या ट्विटला रिप्लाय करुन म्हटलं आहे. ती गुजरातची असल्याने तिने गुजराती भाषेत review केले.@AnilKapoor यांनी महाराष्ट्रात असल्याने #मराठी त उत्तर दिले.#म खुप छान @AnilKapoor जय महाराष्ट्र ... pic.twitter.com/DXpSJclBgQ — एकता (@EktaRt9) December 30, 2020 अनिल कपूर यांनी नक्की मराठीत उत्तर का दिलं हे स्पष्ट झालं नसलं तरी त्यांनी गुजराती प्रश्नाला मराठीत दिलेलं उत्तर हा चर्चेचा विषय ठरत आहे.
