अनिल कपूरच्या दोन्ही मुली सोनम आणि रिया अगोदरपासूनच चित्रपटसृष्टीत कार्यरत असून, लवकरच त्यांचा मुलगासुद्धा बॉलिवूडमध्ये पदार्पण करत आहे. राकेश ओमप्रकाश मेहरा यांच्या ‘मिर्झा साहेब’ या आगामी चित्रपटाद्वारे हर्षवर्धन कपूर चित्रपटसृष्टीत पदार्पण करीत आहे. नुकताच प्रदर्शित झालेल्या मेहरा यांच्या ‘भाग मिल्खा भाग’ चित्रपटात सोनम कपूरची भूमिका आहे. ‘मिर्झा साहेब’ चित्रपटात सोनम आणि वहिदा रेहमान काम करणार आहेत. मिर्झाची प्रमूख व्यक्तीरेखा हर्षवर्धन साकारणार असून, सध्या तो ‘वेल्वेट’ चित्रपटासाठी अनुराग कश्यपला साहाय्य करीत आहे. ‘मिर्झा साहेब’ चित्रपटाची कथा गुलझार यांनी लिहिली आहे. याचे चित्रीकरण २०१४ मध्ये सुरू होणार असून, प्रमूख अभिनेत्रीची निवड होणे अजून बाकी आहे.