बॉलिवूडचे अभिनेते अनुपम खेर हे लोकप्रिय अभिनेत्यांपैकी एक आहेत. अनुपम हे सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ते चाहत्यांच्या संपर्कात राहतात. नुकताच अनुपम यांनी एक फोटो सोशल मीडियावर शेअर केला आहे. हा फोटो सोशल मीडियावर प्रचंड व्हायरल झाला आहे.
अनुपम यांनी त्यांच्या इन्स्टाग्राम अकाऊंटवरून हा फोटो शेअर केला आहे. या फोटोमध्ये अनुपम एका बाथटबमध्ये असल्याचे दिसत आहे. अनुपम हे बाथटबमध्ये असे झोपले आहेत जसं एक लहान बाळ आईच्या गर्भात असतं. हा बाथटब लाकडाचा आहे. हा फोटो शेअर करत “मला हा फोटो प्रचंड आवडला, मला आशा आहे की तुम्हाला ही आवडेल. त्यामुळे या फोटोसाठी कॅप्शन तुम्ही सुचवा. यात ज्या ५ लोकांचं कॅप्शन आवडेल त्यांना मी घरी बोलवणार, असे वचन देतो”, असे कॅप्शन त्यांनी दिले आहे.
आणखी वाचा : “गळ्यात कच्चा बादाम अडकलाय का?” रानू मंडल यांचं गाणं ऐकून नेटकऱ्यांनी लावला कपाळाला हात
आणखी वाचा: ‘माझी तुझी रेशीमगाठ’ मध्ये जेसिकाची भूमिका साकारणारी अभिनेत्री आहे तरी कोण?
यावर अनेक नेटकऱ्यांनी कॅप्शन सुचवायला सुरुवात केली आहे. एक नेटकरी म्हणाला, “असं वाटतंय की बाळ आईच्या गर्भात आहे.” दुसरा नेटकरी म्हणाला, “दिल तो बच्चा है जी.” तिसरा नेटकरी म्हणाला, “वॉट एन आइडिया सर जी”, अशा अनेक कमेंट करत नेटकऱ्यांनी अनुपम यांनी कॅप्शन सुचवण्यास मदत केली आहे. अनुपम यांचा हा फोटो सोशल मीडियावर चर्चेचा विषय ठरला आहे.
