व्हायरल झालेल्या मीम्सवर पहिल्यांदाच बोलताना अनुष्का शर्मा म्हणाली…

चेहऱ्याला हात लावून खाली बसलेल्या अनुष्काच्या रडक्या एक्सप्रेशनचे फोटो अनेकांनी एडिट करून भन्नाट मीम्स बनवले आहेत. असाच एक मजेदार व्हिडीओ सुई-धागामधील अनुष्काचा सहकलाकार अभिनेता वरुण धवन याने कोट करुन रिट्विट केला. या ट्विटमध्ये सिनेमाच्या ट्रेलरमधील रडकी अनुष्का प्रियंका चोप्रा आणि निक जोनच्या समोर बसलेली दाखवण्यात आली आहे. या ट्विटरवर नीकराव गणपतीची आरती करताना आढळले, असे वाक्य लिहीलेले आहे. हा व्हिडीओ ट्विटमध्ये कोट करत वरुणने अनुष्काला मीम्स की राणी ममता असं म्हटलं आहे.

वरुणच्या या ट्विटला कोट करत अनुष्कानेही त्याला रिप्लाय दिला. हसण्याचे आणि टाळ्या वाजवण्याचे इमोन्जी वापरून तिनेही या मीमला सुपर्ब म्हणत दाद दिली आहे.

अनुष्का आणि वरुणचा हा सिनेमा २८ सप्टेंबरला प्रेक्षकांच्या भेटीला येत आहे. त्याआधीच या दोघांनीही सोशल मिडियावरून या सिनेमाचे प्रमोशन सुरु केले आहे.