अर्पिता चक्रवर्तीची मराठीत ‘लाडीगोडी’

अमराठी गायकाने मराठी गाणी गाणे हे काही नवीन नाही. अगदी किशोर कुमारपासून ते सोनू निगमपर्यंत सर्वानीच मराठी चित्रपटांतील गाण्यांना आपला आवाज दिला आहे. यात आता अर्पिता चक्रवर्ती या आणखी एक अमराठी गायिकेची भर पडली आहे. अर्पिताने ‘हुतूतू’ या चित्रपटातील ‘लाडीगोडी’ नावाचे क्लब साँग गायले आहे. आनंदराज आनंद यांनी ते संगीतबद्ध केले आहे.
प्रकाश झा दिग्दर्शित ‘सत्याग्रह’ या चित्रपटातील ‘रसके भरे तोरे नैना’ या गाण्याद्वारे अर्पिताने बॉलिवुडमध्ये पदार्पण केले. या गाण्यासाठी तिला अनेक नामांकनेही मिळाली पण तिला खरी प्रसिद्धी मिळाली ती ‘रागिणी एमएमएस २’ या चित्रपटातील ‘लोरी ऑफ डेथ’ या गाण्याने. याचदरम्यान अर्पिताला आनंदराज आनंद यांनी मराठी गाण्यासाठी विचारणा केली. तिनेही तात्काळ होकार दिला. ‘लाडीगोडी’ हे क्लब साँग असल्याने शास्त्रीय बाजातील गाणी गाण्याचा अनुभव असलेल्या अर्पिताला ते गाणे अंमळ कठीणच गेले. मात्र, तरीही तिने हे आव्हान स्वीकारले. मुंबईतील काही मराठी मैत्रिणींबरोबर मी याआधीही मराठीतून संवाद साधण्याचा प्रयत्न केला आहे, त्याचाच फायदा गाण्याचे बोल समजण्यात झाल्याचा अर्पिता सांगते. कोणतेही गाणे गाण्याआधी त्याचा अर्थ समजून घेणे महत्त्वाचे असल्याचे मत ती व्यक्त करते. मराठीसोबतच अर्पिता १६ विविध भाषांमध्ये गाऊ शकते आणि नुकतेच आशिकी २ च्या तेलगू रिमेकमधील एका गाण्यासाठी तिने आपला आवाज दिला आहे.

आणखी वाचा

भाजपच्या प्रचार गीतात फ़डणवीस ‘आधुनिक अभिमन्यू’, शरद पवार ‘दुर्योधन’

३० ऑक्टोबर पंचांग: दिवाळीआधीच येईल सोनेरी संधी, आर्थिक…

‘छोड आये हम’ या गाण्याच्या ‘या’ दिवंगत गायकाला अभिवादन करण्यासाठी गूगलचे खास डूडल

Video : पारू अन् आदित्यचा मराठमोळा अंदाज! दोघांचं प्रेम खुलणार, मालिकेचं नवीन गाणं पाहिलंत का?

‘गुलाबी साडी’नंतर संजू राठोडच्या ‘काळी बिंदी’ गाण्याचा सोशल मीडियावर धुमाकूळ; मुख्य भूमिकेतल्या अभिनेत्रीला ओळखलंत का?

‘तुझेच मी गीत गात आहे’ फेम स्वराची स्टार प्रवाहच्या ‘या’ मालिकेत एन्ट्री! समोर आला पहिला फोटो…

स्त्री २च्या “काटी रात मैने..” गाण्यावर चिमुकलीचा भन्नाट डान्स, Viral Video पाहून श्रद्धा कपूरनेही केले कौतुक

व्वा रे पठ्या! “अशी मी मदन मंजिरी” गाण्यावर तरुणाचे भन्नाट नृत्य, थेट फुलवंतीला दिली टक्कर, पाहा Viral Video