“वेदना होत असूनही काम करत राहिलो कारण…” अशोक सराफांची तळमळ बघून येईल डोळ्यात पाणी

आपल्या विविधरंगी भूमिकांनी एकेकाळी मराठी चित्रपटसृष्टी गाजवणारे सर्वांचे लाडके अशोक मामा म्हणजेच अभिनेता अशोक सराफ आज ७५ वा वाढदिवस साजरा करत आहेत. अशोक सराफ यांनी केवळ चित्रपटच नाही तर अनेक नाटकांमध्येही उत्तम भूमिका साकारल्या आहेत. अशोक सराफ यांची त्यांच्या कामावर किती निष्ठा आहे हे ‘व्हॅक्यूम क्लिनर’ या नाटकाची तालीम सुरू असताना दिसून आलं. याचा एक किस्सा दिग्दर्शक चिन्मय मांडलेकरनं शेअर केला होता. पाठीत वेदना असूनही ते नाटकाची तालीम करत होते असं एका मुलाखतीत चिन्मय म्हणाला होता. पण त्यावेळी अशोक सराफ यांनी असं का केलं याचं कारण त्यांनी स्वतःच एका मुलाखतीत सांगितलं.