.. अन् सुहानावर खिळल्या सर्वांच्या नजरा

वाचा : ऐश्वर्याला ‘कोल्हीण’ का म्हणाली कतरिना?

सुहाना काही दिवसांपूर्वीच १७ वर्षांची झाली असून तिला अभिनेत्री होण्याची इच्छा आहे. आपल्या मुलीने चित्रपटसृष्टीत पदार्पण करण्यास शाहरुखची अजिबात ना नाही. मात्र, सुहानाने आधी तिचे शिक्षण पूर्ण करावे ही एकमेव अट त्याने तिच्यासमोर ठेवली आहे. तत्पूर्वी या भावी अभिनेत्रीच्या अभिनय कौशल्याची प्रशंसा याआधीच सर्वांकडून होत असल्याचे दिसलेय. काही दिवसांपूर्वीच ज्येष्ठ अभिनेत्री शबाना आझमी यांनी सुहानाने काम केलेल्या शॉर्ट फिल्मची व्हिडिओ क्लिप ट्विटरवर टाकली होती. त्यावर त्यांनी लिहिलेल की, ‘सुहाना पुढे जाऊन एक उत्तम अभिनेत्री होणार हे माझे शब्द आहेत. मी तिची शॉर्ट फिल्म पाहिली. माझ्याकडून तिला आशीर्वाद.’ आपल्या मुलीची प्रशंसा इतक्या मोठ्या अभिनेत्रीने केल्यावर कोणत्याही वडिलांची मान अभिमानाने ताठ होईल यात शंका नाही. माझ्या छोटीसाठी तुमचे शब्द प्रेरणादायी असल्याचे त्यानंतर त्याने ट्विट केले. सुहाना लवकरच अभिनयाचे धडे घेण्यासाठी लंडनमधील ड्रामा स्कूलमध्ये प्रवेश घेणार असल्याचे म्हटले जातेय.

वाचा : ‘त्या’ रेल्वे प्रवासामुळे शाहरूख पुन्हा एकदा अडचणीत

‘अर्थ’ रेस्तराँमध्ये झालेल्या पार्टीला जॅकलीन फर्नांडिस, आलिया भट्ट, सिद्धार्थ मल्होत्रा, मलायका अरोरा खान, सुशांत सिंग राजपूत, क्रिती सनॉन आणि इतरही काही कलाकारांनी उपस्थिती लावली होती. दरम्यान, शाहरुख लवकरच ‘जब हॅरी मेट सेजल’ या चित्रपटातून प्रेक्षकांच्या भेटीला येणार आहे. इम्तियाज अली दिग्दर्शित या चित्रपटात शाहरुखसोबत अनुष्का शर्मा मुख्य भूमिकेत दिसणार आहे.