साउथ सुपरस्टार प्रभासची लोकप्रियात केवळ देशातच नव्हे तर जगभरात पसरली आहे. बाहुबली फेम प्रभासने अगदी कमी काळात देशासह जगभरात स्वत:ची ओळख निर्माण केलीय. साउथमध्ये प्रसिद्ध असलेल्या प्रभाससाठी बाहुबली सिनेमा आयुष्यातील नवं वळण ठरला. या सिनेमानंतर प्रभासच्या सिनेमांना देशभरातून पसंती दिली जातेय. प्रभासच्या चाहत्यांसाठी आता आणखी एक आनंदाची बातमी आहे. बॉलिवूडनंतर आता प्रभास हॉलिवूडमध्ये त्याची जादू दाखवणार आहे.
सध्या सोशल मीडियावर काही पोस्ट वेगाने व्हायरल होत आहेत. या पोस्टमुळे प्रभासच्या चाहत्यांना प्रचंड आनंद झालाय. प्रभास लवकरच हॉलिवूड सिनेमा ‘मिशन इम्पॉसिबल ७’ मध्ये झळकणार असल्याचा दावा या पोस्टमध्ये करण्यात आलाय. मीडिया रिपोर्टनुसार सुपरहिट फ्रेंचाइसी ‘मिशन इम्पॉसिबल’च्या दोन पार्टचं दिग्दर्शन केलेले दिग्दर्शक क्रिस्टोफर मॅकक्वेरी यांनी पुढील म्हणजे ‘मिशन इम्पॉसिबलच्या सातव्या भागासाठी प्रभासशी संपर्क साधला आहे. या सिनेमातील एका महत्वाच्या भूमिकेसाठी मॅकक्वेरी यांना प्रभासला कास्ट करण्याची इच्छा आहे.
I gotta good feeling about this one… May be its true #Prabhas is in Mission Impossible 7..
Super excited pic.twitter.com/t5uCwvRT2k— Radhe Shyam Prabhas Tamil Fans (@Princes48677134) May 25, 2021
काही वृत्तांनुसार क्रिस्टोफर मॅकक्वेरी आणि प्रभास यांच्यात चर्चा देखील झालीय. प्रभास ‘राधे-श्याम’ सिनेमासाठी इटलीत असताना ही भेट झाल्याच्या चर्चा आहेत. असं असलं तरी अद्याप याची अधिकृत घोषणा झालेली नाही.
And the news is that Hollywood director Christopher McQuarrie narrated script to #Prabhas to join hands with @TomCruise for an important role in Mission Impossible 7…..
If this comes true It will be next level
Box office ramp anthey#RadheShyam #Salaar #Adipurush pic.twitter.com/8KHW2U1bRr— Prabhas Pan India (@KushalReddy2003) May 25, 2021
दरम्यान, प्रभासने नुकतीच ‘राधे-श्याम’ या त्याच्या आगामी सिनेमाची शूटिंग पूर्ण केलीय. याचसोबत प्रभास ‘आदिपुरुष’ आणि ‘सलार’ या सिनेमाचं शूटिंग करतोय.याचसोबत प्रभास नाग अश्विन दिग्दर्शित एका सिनेमात झळकणार आहे. यात बिग बी अमिताभ बच्चन यांची मुख्य भूमिका असून दीपिका पादूकोणही प्रमुख भूमिकेत असेल.
