प्रसिद्ध कॉमेडियन भारती सिंह आणि हर्ष लिंबाचिया काही महिन्यांपूर्वीच आई-बाबा झाले. भारती सध्या तिचं मातृत्व एण्जॉय करत आहे. भारतीने कलाविश्वामध्ये स्वतःचं एक वेगळं स्थान निर्माण करण्यासाठी बरीच मेहनत घेतली. विनोदी कार्यक्रमांमध्ये काम करत ती यशाच्या शिखरावर पोहोचली आहे. सध्या ती काही बहुचर्चित रिअॅलिटी शोमध्ये सुत्रसंचालक म्हणून काम करताना दिसते. त्यासाठी ती अधिकाधिक मानधन देखील घेते. पण याव्यतिरिक्त ती एक उत्तम व्यावसायिक आहे.
भारतीचं स्वतःचं युट्यूब चॅनल देखील आहे. या माध्यमाद्वारे तिने पती हर्ष लिंबाचिया आणि आपल्या गोंडस मुलासह एक व्हिडीओ शेअर केला आहे. ४ वर्षानंतर पंजाब येथील अमृतसर येथे गेल्याचं भारती या व्हिडीओमध्ये सांगत आहे. तसेच पंजाबमध्ये गेल्यानंतर आपण काय काय केलं हे भारतीने सांगितलं आहे. यादरम्यानच तिने आपल्या व्यवसायाबाबत देखील सांगितलं.
पाहा व्हिडीओ
भारतीने पंजाब येथे स्वतःची एक फॅक्टरी सुरु केली आहे. मिनरल वॉटरची ही फॅक्टरी आहे. KELEBY या नावाचा मिनरल वॉटरचा तिचा ब्रँड आहे. तसेच या व्यवसायानिमित्त तिने गावातल्या लोकांना रोजगार उपलब्ध करून दिला आहे. फॅक्टरीच्या आजूबाजूला असणाऱ्या गावातील लोक इथे काम करतात. गावातील लोक आपल्या फॅक्टरीमध्ये काम करत असल्याचं पाहून भारतीला आनंद होतो.
आणखी वाचा – प्राजक्ता माळी परदेशात जाण्यामागचं कारण काय? फोटो शेअर करत म्हणाली, “अर्धी मराठी चित्रपटसृष्टी लंडनला येऊन…”
या व्यवसायामधून भारती अधिकाधिक पैसे कमावते. इतकंच नव्हे तर तिथे तिचं छोटं रिसॉर्ट देखील आहे. भारती आपल्या मुलासह कुटुंबातील इतर मंडळींना घेऊन तिथेच राहिली होती. अमृतसरमध्येच तिचा जन्म झाला. पुन्हा एकदा आपल्या मातीमध्ये आल्यनंतर तिने खूपच धमाल-मस्ती केली. जेवणाचा आनंद लुटला. त्याचबरोबरीने तिने रिक्षा देखील चालवली.
